Home General Aumento di prijs pa casnan di FCCA no ta premira pa 2020

Aumento di prijs pa casnan di FCCA no ta premira pa 2020

119
0
SHARE
- Advertisement -

Edwin Tromp:

ORANJESTAD (AAN):  Tin rumornan circulando cu FCCA ta bay subi prijs di huur pa loke ta trata casnan di pueblo.

Edwin Tromp, ehecutivo di FCCA a duna di conoce den entrevista cu DIARIO cu e tambe a scucha di e informacionnan aki.

El a remarca cu FCCA no tin ningun indicacion, y e no a tende di Gobierno tampoco, cu lo bay hisa prijs.

Banda di esaki a señala cu pa mas di dos aña ta trahando pa haya materialnan y pa baha e costo di construccion. A wak sigur cu tin un 10% di besparing. FCCA ta trahando 200 cas  y esey ta e motibo cu ta purba mas cu por pa tene e prijs cu tin awe caminda nan ta, Tromp a declara.

El a indica cu e clientela cu tin na FCCA, e parti mas grandi ta e parti abao di e mercado. Por ehempel, tin hende cu a haya tereno, pero nan no por fia ni 70 mil florin.

FCCA ta purba wak si tin opcionnan cu construccion y cu kizas e personanan asina por yega na un cas. No di 70 meter cuadra, pero kizas di 60 meter cuadra y toch yega na nan cas.

Cu huur ta mescos. FCCA ta purba tene e prijsnan abao pa hopi aña. A logra di haci construccionnan na e prijs aceptabel te awo. “Si tin un aumento pa cu un pais, cu bo ta importa for di dje. Hulanda, Colombia, China, kiermen, esey ta bin den prijs y e por haci bo costo mas caro.

Esey no ta premira pa 2020 y Edwin Tromp no sa di un unda e noticia a sali.

El a sigui bisa cu FCCA ta haci loke ta den nan man cu e cliente. Sinembargo, tin clientenan cu no ta haci pago y cu te hasta mester a sali for di e casnan. Esey ta casonan extremo, a subraya.

Mescos tin e parti di hipoteca. Tin hendenan cu pagonan atrasa y ta purba di papia cu nan, re-financia, busca e manera pa nan por sigui paga. Pero tin momento cu te eynan por yega y asina tin hende cu ta keda 6, 8, 10 luna sin paga.

Segun Tromp, e storia mester wordo conta full. Tin casnan ta bay vindishi pasobra e clientenan no a paga. No a cumpli a pesar di a haya un chens.

E director di FCCA a laga sa cu nan sa tene actividadnan den bario. Nan sa cual ta e barionan cu tin mas problemanan social-economico y ta duna nan atencion tambe, a bisa.

FCCA tin reglanan cu mester cumpli cune. Esun cu no ta cumpli tin cu paga e consecuencianan. Tin casonan caminda un hende a purba di traha un ‘bijgebouw’ na un cas di FCCA sin cu tin permiso pa haci esey.

Den e caso ey ta check cu DOW y si ta ok e por sigui. Sino mester para e construccion, Tromp a indica.

- Advertisement -

DUNA COMENTARIO

Please enter your comment!
Please enter your name here