Home Policial Autoridad a cuminza controla tur hende cu tin Garage ilegal na nan...

Autoridad a cuminza controla tur hende cu tin Garage ilegal na nan cas

966
0
SHARE
- Advertisement -

ORANJESTAD (AAN): E momento a yega pa stop cu e sistema di habri Garage ilegal na cas, y ta molestia full bario cu desorden y cantidad di auto bieu rond di e tereno.

Awor Bureau City Inspector a cuminza move y ta haciendo algo riba esaki.  Esey ta loke e vocero di City Inspector, esta Robby Rosel a confirma na DIARIO.

El a mustra cu aworaki tin un control severo cu ta tumando lugar ariba Garagenan ilegal na cas y cu ta yena auto bieu rond cu ta duna hopi dolor di cabez pa e bisiñanan.

Si bo tin un Garage pa drecha auto na bo cas, bo tin di percura pa bo tin tur bo papelnan na ordo.

Diahuebs mainta mes, tanto Polis hunto cu Departamento di DIP, y City Inspector a bay check na 3 cas cu ta usando tereno di gobierno pa pone auto y haci trabao di Garage.

Na e lugar, e oficialnan a papia cu e doñonan y mustra nan cu esaki ta ilegal na Aruba.  E doñonan a priminti di lo cuminsa ruimop e lugarnan, y Polis y demas Departamentonan lo pasa check e situacion despues.

Riba e potretnan por mira cuanto chassis bieu di auto tin plama den mondi, pero pronto tur lo bay.

- Advertisement -

DUNA COMENTARIO

Please enter your comment!
Please enter your name here