Awe Diabierna Departamento di Impuesto lo cera mas trempan atardi

ORANJESTAD (AAN) – Departamento di Impuesto ta participa cu awe diabierna, dia 1 di november , su oficinanan lo cera mas trempan atardi en conexion cu mantencion di su sistemanan. Lo cera e oficinanan den districto y oficina principal na Camacuri.

Riba e dia aki Departamento di Impuesto lo brinda servicio nonstop te 3:00 di atardi. Pa por cera e sistema digital na tempo, clientenan por tuma un number te 2’or di atardi. Despues di 2’or no ta posibel pa tuma un number pa haya servicio.