Home Policial Barco di Marina Hulandes a intercepta ‘go-fast’ cu 350 kilo di droga

Barco di Marina Hulandes a intercepta ‘go-fast’ cu 350 kilo di droga

301
0
SHARE
- Advertisement -

ORANJESTAD (AAN):  E barco di Marina Hulandes  Zr.Ms. Groningen pa di tres biaha den un tempo cortico, a intercepta transporte di droga.

E barco di Patruya den Region Caribe por a stop un asina yama ‘go-fast’.

E  Dash-8 den e area, un avion di Patruya Maritimo di Wardacosta Caribe,  a descubri e ‘go-fast’ riba un ruta di contrabando conoci.  Riba esaki e barco a involucra su helicopter di guera maritimo NH90, pa recauda mas informacion.

Na momento cu e NH90 a logra mira e ‘go-fast’ skerpi, e tripulacion di e ‘go-fast’ a purba di tira tur e cargamento den laman.

Groningen e ora ey a lansa su botonan di velocidad halto (FRISC), cu tabatin abordo un ekipo combina di Wardacosta Mericano y  Cuerpo di Marina. Nan a detene esnan cu tabata riba e ‘go-fast’ y a saca e paketenan di droga for di laman.

E sospechosonan y e droganan despues a keda entrega na e barco di Wardacosta Mericano Robert Yered, pa persecusion tuma luga na Merca. Segun calculacion den  e accion aki tabatin 350 kilo di droga involucra.

Zr.Ms. Groningen for di April 2019 ta activo den region como Barco di Patruya y ta combina operacionnan contra transporte di droga cu sosten di WardaCosta Caribe. Na October tambe dos biaha e barco a sa di intercepta un transporte di droga.

- Advertisement -

DUNA COMENTARIO

Please enter your comment!
Please enter your name here