Home Social Blue Energy Committee di Hilton a sponsor evento di Paketa Cuminda di...

Blue Energy Committee di Hilton a sponsor evento di Paketa Cuminda di FPNC

44
0
SHARE
- Advertisement -

ORANJESTAD (AAN)  — Diasabra 19 di October, 2019, Fundacion pa Nos Comunidad, FPNC, a tene su segundo Meal Packing Event anual, na Hilton Aruba Caribbean Resort & Casino.

E espacionan tabata yena cu mesanan di traha y teamnan di voluntario, empodera pa bira heroenan den comunidad, yena cu un sentido profundo di satisfaccion mientras pasando un rato agradabel.

E proyecto titula “Connect to Impact” tabatin meta pa empaketa 50.000 cuminda den un solo dia. E 50.000 cumindanan ta keda reparti durante e aña venidero bou di famianan den necesidad cu ta registra na FPNC.

Cada pakete di cuminda lo por alimenta te cu 4 persona.  E aña aki FPNC a añadi diferente tipo di cuminda pa mehora e provisionnan mensual: Spanish rice, mac & cheese, papa di appel & cinnamon y arroz cu bonchi.

E proyecto aki di empaketa alimento ta sumamente importante, Directora Gianaika van der Biezen ta splica, “e ta contribui na e lucha pa caba cu hamber riba nos isla y simultaneamente ta promove FPNC su meta pa ofrece cuminda saludabel y nutritivo pa famianan local den necesidad.

E aña aki e evento comunitario na Hilton Aruba Caribbean Resort & Casino tabata atendi pa teamnan di varios compania local. Pa por a participa, companianan ta “cumpra” mesa y forma work-teams di 10 persona, a cambio di un donacion di AWG 1500,- pa FPNC

A cambio cada grupo a ricibi tur producto y material necesario pa crea e paketenan di cuminsa, pisando y armando paketenan di ingrediente pa consumo di clientenan. FPNC a reparti e trabou den shiftnan di 4 ora y ya pa merdia e meta a wordo cumpli: 50.000 caha netjes stiwa cla pa uzo domestico den lunanan benidero.

FPNC ta e Food Bank oficial di Aruba. Su meta ta pa preveni y lucha contra pobresa, dolor emocional y exclusion social y pa promove participacion, cuido di pobernan y bienestar general riba nos isla.

E foodbank ta yudando famianan cu retonan financiero na Aruba, cubriendo necesidadnan basico desde 2009. Esaki lo no ta posibel sin e sosten financiero di individualnan y donacionan cariñoso di patronan y organisacionan.

E Blue Energy Committee na Hilton Aruba Caribbean Resort & Casino, cu ta asisti cu diferente actividadnan comunitario a sinti cu e FPNC a fit perfectamente cu e compania su filosofia di inversion den comunidad local pa mas di 100 aña, determina pa sigura crecemento inclusivo y sostenibel pa un y tur.

- Advertisement -

DUNA COMENTARIO

Please enter your comment!
Please enter your name here