Home General Boternan di gas ta prohibi pa pone nan paden

Boternan di gas ta prohibi pa pone nan paden

69
0
SHARE
- Advertisement -

Vocero di Cuerpo di Bombero:

ORANJESTAD (AAN):  Vocero di Cuerpo di Bombero, Ferdinand Ponson indica den entrevista cu DIARIO cu ta den e temporada di fin di aña y hendenan ta cuminza cushina hopi y prepara nan cumindanan.

Tin hopi di nan, cu door cu nan ta uzando gas den henter aña, awor ta exigi asina hopi y ta cuminza uza e boternan chikito y ta pone nan paden.

Si ta pone ariba un sistema cu ta pone pafo di cas, por haci esaki. Pero si ta keda paden, e ora ta bira un problema pasobra tin peligernan.

E boter por wordo instala malo, por tin leakmento, e no a wordo controla manera y por bin problema cu tur esey.

Boternan di gas ta prohibi pa ta paden. Tin hende cu ta pone paden den apartamentonan y na algun cas y esey ta algo cu no mag. Ora Brandweer ta haya sa nan ta comunica cu DTI, ta saca e boternan for di e lugar. Ta splica e hendenan cu mester pone e boter den un area central y sigur pafo.

Ta bezig purbando di mustra e hendenan e peliger cu tin. Dos siman pasa tabata tin un explosion y ta kere cu door di un mal instalacion cosnan asina por pasa. Tin cu ta uza slang cu no ta esun apto pa e sistema di gas.

“Nos ta aconseha boso pa e temporada di fiesta aki pa haci esaki mas safe posibel. Uza e boternan grandi pafo. So bo ta uza un boter chikito, peg’e riba e sistema y busca un manera pa haya un keuring pa esaki por ta pafo riba un sistema di gas y no uza esaki paden. Ta un peliger grandi pa bo mes”, Ponson a remarca.

- Advertisement -

DUNA COMENTARIO

Please enter your comment!
Please enter your name here