- Advertisement -
ORANJESTAD (AAN): Bureau City Inspector a ricibi un melding cu na veld di Savaneta, pabou di Marinier Kazerne, tin un palo di luz cu un luz los na dje.
Esaki ta un situacion peligroso cu muchanan no por hunga bala asina. BCI a haya contacto cu esun cu ta encarga cu e veld y tambe a tuma contacto cu Brandweer y mesora nan a presenta na e sitio y a logra drecha esaki.
BCI kier a gradici team di Brandweer pa e bon trabou. Gradicimento tambe ta bay na e facilidad deportivo bao maneho di Juni Tromp cu a logra pa esaki tambe.
- Advertisement -
