Arubiano tambe por wordo afecta
ORANJESTAD(AAN)–E ley di retiro, considera uno di e leynan mas importante na Hulanda, lo bay conoce cambio na 2020.
Te awor retiro di un trahado tabata posibel ora e trahado durante un periodo largo no por presenta na trabou pa motibo di malesa.
E otro motibo sin bay Corte por ta, cu e empresa pa motibonan financiero no por mantene e trahado den servicio.
Den otro casonan un Hues ta dicidi kico por pasa y si e empleado ta cumpli na forma completo cu un di e condicionnan di e lista pa retira personal, e por manda e trahado cas.
For di Prome di Januari 2020 lo bira posibel pa un empleado haya su retiro pa un combinacion di circunstancianan.
Por bisa cu e ley di retiro ta duna mas oportunidad legal na empresanan pa retiro di nan trahadonan, loke lo por afecta e trahado Arubano na Hulanda tambe.
Segun e ley nobo pues e combinacion lo habri posibilidad pa un empresa cu no ta cumpli cu un exigencia completamente, por combina exigencia.
E ta un menasa pues pa siguridad di trabou na Hulanda, caminda cantidad di Arubiano ainda ta busca un solucion pa futuro.
