Minister Ruiz-Maduro a duna di conoce:
ORANJESTAD (AAN): Den un entrevista cu DIARIO recientemente, Minister di Finanzas y Asuntonan Economico Xiomara Ruiz Maduro a duna un splicacion riba legalizacion di e ley di Landsverordening di tarifa di importacion y e Landsverordening di accijns riba productonan destila.
“E cambionan a wordo introduci na comienzo di aña, pero semper mester haci e cambionan den ley corespondiente”.
“Esey ta locual cu mester a pasa caba y aworaki Parlamento a yama e reunion, pa asina e cambionan wordo efectua den ley”.
“Pues no ta cambia nada den locual ta e situacion cu a cambia na comienzo di aña, pues tur cos ta keda mesun cos”.
“Unico cos ta cu mester legaliza e cambionan cu a wordo haci”.
Esaki segun Ruiz Maduro, kende a indica cu na comienzo tabata tin un fout haci pa locual ta e peso di tabaco.
El a splica cu esaki ta wordo drecha aworaki y legaliza.
