Home General Cantidad di bulto cu placa Venezolano rumbo pa Aruba y Colombia a...

Cantidad di bulto cu placa Venezolano rumbo pa Aruba y Colombia a wordo intercepta na Falcon

283
0
SHARE
- Advertisement -

ORANJESTAD (AAN): Tres homber a wordo deteni e siman aki na estado Falcon.  E aresto a tuma lugar den sector Guadalupe, y e sospechosonan aki tabata tratando di saca mas di 3.920.000 Bolivar Soberano di diferente denominacion di papel, poni den 98 bulto, rumbo pa Aruba y Colombia.

E agencia FAES di Venezuela ta esun cu a raporta esaki riba nan account di Instagram.  FAES ta Fuerzas de Accionnes Especiales, cu ta responde directamente na Gobierno di Nicolas Maduro.

“Esaki ta un golpi duro pa e red criminal aki cu ta pretende di destabiliza e pais, generando angustia den nos pueblo”, ta loke nan a skirbi.

Segun fuentenan, e cargamento di 98 bulto aki tabata den un cas, y tambe den un Chevrolet Gran Blazer color beige cu number AF097UK.

Awor nan a pasa e detenidonan y tambe e bultonan na Ministerio Publico, pa asina sigui cu e investigacion.

No a menciona nada di con ta bay manda e placa aki Aruba, pasobra e ta e moneda anterior di Venezuela, cu ya no tin nada di balor.  Kizas na Aruba nan por a usa e placa ey pa traha confetti pa Carnaval.

- Advertisement -

DUNA COMENTARIO

Please enter your comment!
Please enter your name here