Home Policial Cargamento di 1.500 kilo di cocaina confisca riba lama cerca di Aruba

Cargamento di 1.500 kilo di cocaina confisca riba lama cerca di Aruba

474
0
SHARE
- Advertisement -

ORANJESTAD (AAN): Tabata Diabierna den oranan di madruga, cu personal di Rescue and Coordination Center (RCC) a detecta un boto sospechoso ta moviendo riba radar.

E boto aki tabata moviendo basta rapido y tabata den awa teritorial di Aruba.  Mesora RCC a duna ordo pa un unidad Metal Shark di Guardacosta di Caribe Hulandes a mobiliza den su direccion.

Ora cu a yega na e lugar unda e boto tabata moviendo, a bin realiza cu ta trata aki di un speedboat tipo Go-Fast.  Autoridad a logra di stop e boto, y a domina tur e cuatro personanan abordo.

Den e Go-Fast a bin haya cantidad di bulto, y hunto esaki a resulta di ta 1.500 kilo di cocaina.  E droga aki tabata rumbo pa Aruba unda un caminda tabatin hende ta spera su yegada.  Pero e lo no yega mas.

Nan a lastra e Go-Fast bek pa tera, y a drenta na Pier di Guardacosta na Savaneta.  Aki a haci entrega di e cuatro personanan na Cuerpo Policial, como tambe e cargamento di droga.

Ministerio Publico awor lo bay sigui cu demas investigacion.

Segun Guardacosta di Caribe Hulandes, esaki a pone luna di November finaliza cu un total di cargamento grandi cu nan a sa di kita for di man di narcotraficantenan.

Guardacosta ta pensa cu esaki ta danki na e bon cooperacion cu Cuerpo Policial, y tambe partnernan internacional cu ta yuda combati narcotrafico den Caribe.

Tanto na Aruba, como tambe Curacao, y tambe regional na estado Falcon (Venezuela) tambe, a duna narcotrafico un golpi duro.

- Advertisement -

DUNA COMENTARIO

Please enter your comment!
Please enter your name here