Home Hudicial Caso ladronicia di caha fuerte for di Burger King awe den Corte

Caso ladronicia di caha fuerte for di Burger King awe den Corte

110
0
SHARE
- Advertisement -

ORANJESTAD (AAN): Riba Diabierna, e hombernan W.W. y A.M. ta presenta den Corte pa e caso penal cu Ministerio Publico a cuminsa contra nan. Ta asina cu na Juli 2019, e dos sospechosonan a presenta den Corte di Husticia, pero e caso tabata pro forma.

Ta sospecha nan di a haci un asalto arma caminda a bay cu un caha fuerte for di un di e restaurantnan di Burger King. E caso a keda posponi pa awe.

   ASALTO ARMA:

E acusacion cu Fiscal a presenta na Juli den Corte contra W.W. y A.M. ta cu riba 29 April 2019, nan a haci un asalto arma na un Burger King restaurant y bay cu e kluis.

Fiscal tambe ta acusa e homber A.M., di tabatin un arma di candela den su poder e mesun dia ey. Mucho detaye Fiscal no a duna riba e caso pero mirando cu A.M. tabatin un arma di candela, posiblemente e intension lo tabata pa menaza hende cu e arma aki. No ta conoci cu e ladronicia aki a sosode den dia cla.

Diabierna mainta e duo aki ta presenta dilanti Hues y DIARIO lo informa lectornan di tur loke a sosode den sala di Corte di Husticia di Aruba.

 

- Advertisement -

DUNA COMENTARIO

Please enter your comment!
Please enter your name here