Home Hudicial Castigo hubenil pa hoben cu ta hinca preso den KIA

Castigo hubenil pa hoben cu ta hinca preso den KIA

437
0
SHARE
- Advertisement -

ORANJESTAD (AAN): E hoben homber D.P. a worde condena pa a hinca un preso den KIA. Tratamento di e caso aki tabata portanan sera o sea prensa no por tabata presente. Sinembargo e sentencia si tabata pa publico. DIARIO tabata presente ora cu Hues a dicta sentencia.

Investigacion cu DIARIO a haci ta mustra cu e caso ta relaciona cu un hincamento di un preso cu e hoben D.P. a haci. Kico realmente a pone cu D.P., sera den KIA, a bay hinca un otro preso, no ta conoci. Por bay specula un cantidad di cos, mirando kico tur sa sosode den KIA. Sinembargo DIARIO no ta dedica su mes na esey. DIARIO ta informa y no specula.

Por a compronde cu Fiscal ta haya D.P. culpable y a exigi pa D.P. worde sera den un institucion pa e periodo di 2 aña.

Ta asina cu Aruba no tin un institucion asina. Esey ta haci cu sa manda hobennan na e instuticion na Curacao.

Den e caso penal contra D.P., Hues ta haya legalmente proba cu el a hinca un preso den KIA. Hues a bisa cu e ta considera esaki un intento di causa herida severo. Hues a condena D.P. na detencion hubenil pa 8 luna.

E instancianan concerni awor mester mira con ta bay realisa esaki. Parce cu no ta asina facil pa manda hobennan na e institucion na Curacao. Esaki ta door di situacion financiero. Ta di spera cu esaki lo keda regla mas liher posibel pa asina varios di e sentencianan aki cu a keda haci den Corte, lo por keda realisa.

 

- Advertisement -

DUNA COMENTARIO

Please enter your comment!
Please enter your name here