Home Policial Cuerpo di Polis a graba videoclip di ‘Shon Polis mi Amigo’

Cuerpo di Polis a graba videoclip di ‘Shon Polis mi Amigo’

272
0
SHARE
- Advertisement -

Den cuadro di dia internacional di mucha

ORANJESTAD (AAN):  Den cuadro di dia internacional di mucha cu ta riba e fecha di 20 november 2019. Cuerpo Policial Aruba a planea pa e luna completo di november ta dedica na nos muchanan.

For di comienso te na final di november KPA a ocupa su mes cu diferente charla di concientisacion y tambe diferente presentacion na scolnan, di esnan di edad chikito te cu ne teeners.

Pa finalisa henter e temporada aki , KPA tin e grato placer pa anuncia cu lo finalisa esaki cu un videoclip canta dor di un hoben. “Shon Polis mi amigo” a nace for di aña pasa y e aña aki el a wordo concretisa.

Canta dor di e hoben Jurion Martinez cu a dedica e cancion specialmente pa nos polisnan. Cu aprobacion di su mayornan KPA mes a percura pa realisa esaki.

Mirando cu Jurion na edad hoben tin un aprecio grandi pa KPA , nos a dicidi cu e ta bai bira e Altocomisario pa 1 dia. Jurion cu tur su amigonan ta bira e agentenan di mas importante di Aruba.

Un videoclip na unda cu ta mustra e combinacion di nos polisnan conhuntamente cu nos hobenan. E idea di esaki ta pa ilustra cu nan ta nos futuro pero cu nos ta keda nan amigo polis den tur momento.

For di rango di mas abou te cu esun di mas halto y nan departamento di administracion a participa pa asina hunto como famia nos dedica e dia aki pa nos muchanan. “Shon polis mi amigo” lo wordo lansa dia 20 november 2019 ariba nan paginanan oficial di KPA y den tur medio di comunicacion.

KPA ta gradici tur persona cu di un manera of otro a yuda pa realisa un bunita proyecto pa nos muchanan. Corda bon, nos ta keda bo amigo POLIS.

- Advertisement -

DUNA COMENTARIO

Please enter your comment!
Please enter your name here