Home Policial Cuerpo Policial lo ta hopi stricto cu control di documento riba vehiculonan...

Cuerpo Policial lo ta hopi stricto cu control di documento riba vehiculonan den parada

69
0
SHARE
- Advertisement -

Vocero suplente di KPA

ORANJESTAD (AAN):  Liliana Rasmijn, Vocero Suplente di Cuerpo di Polis a indica cu recientemente KPA a manda un comunicado di prensa conhuntamente cu DTI, mirando cu tur aña e carnaval ta mas tempran.

Na 2020, e parada di flambeo ta dia 4 di Januari y mirando cu tin un siman caminda practicamente tur departamento ta cera y ta habri te dia 6 di Januari.

Kiermen, e lidernan di e grupo di carnaval a wordo informa caba, pa tene cuenta cu e situacion aki y pa e fechanan pa loke ta e permisonan. DTI tin cu keur loke ta e vehiculonan di motor cu ta bay ta den parada.

Ta papiando akinan di keurmento di chasis, trucknan, UTV’s, ATV’s, quadracers. Tur esakinan mester gekeur si kier bay participa den e parada di flambeo y pa henter e temporada di carnaval, Rasmijn a remarca.

Ora di keda cla cu DTI, mester yama KPA, e departamento di Planologie cual ta disponibel di dialuna pa diabierna di 7 am te 3 pm na 585-2500. E biaha aki no lo traha den weekend, e vocero di KPA a subraya.

Mester corda ariba e dianan di fiesta cu ta bay ta cera. Kiermen, tur cos mester ta gekeur prome cu aña caba. Pa loke ta DTI, prome cu dia 20 di December tur cos mester ta cla.

KPA ta cera e dianan di fiesta, pero lo ta trahando bek dia 3 di Januari y e dia aki no lo por bay keur tur e gruponan cu ta bay ta den parada. Pesey ta aconsehabel pa no laga e tramitenan pa ultimo ora. Esey ta un apelacion cu tin di parti di Cuerpo Policial.

Si e papelnan no ta na ordo, mescos cu e rijbewijs, no por drenta y forma parti di e paradanan, principalmente di e parada di flambeo cu ta tuma lugar dia 4 di Januari.

Prome cu e paradanan, Cuerpo di Polis ta controla e papelnan y si no cumpli cu e rekisitonan no por participa of lo mester sali for di e parada pasobra no ta cumpliendo cu e ley, Rasmijn a declara. “Nos ta bay ta hopi stricto un biaha mas e aña aki”.

- Advertisement -

DUNA COMENTARIO

Please enter your comment!
Please enter your name here