Home General Cuminzamento di otro siman e prome dos busnan nobo lo wordo entrega...

Cuminzamento di otro siman e prome dos busnan nobo lo wordo entrega na Arubus

58
0
SHARE
- Advertisement -

Jossy Motors a keda cla cu e busnan nobo

ORANJESTAD (AAN):  Cezar Tromp, General Manager di Jossy Motors a duna un update relaciona cu e status di e busnan nobo di Arubus.

El a indica cu nan ta den e ultimo fase y nan a keda full cla. “Tur cos ta netjes”, a expresa.

E ultimo tecnico cu a bin pa haci e cambionan a sali siman pasa. Tin dos bus cu ta bay cuminza wordo entrega na Arubus na inicio di siman cu ta bin. E otro busnan lo cuminza core den fase.

E tecniconan di Jossy Motors ta disponibel pa haci cualkier ahuste cu mester wordo haci. Nan ta trahando duro ariba dje pa asina ora nan keda cla nan por entrega e prome 7 busnan y asina keda cla cu e otronan tambe, Tromp a splica.

Pa comunidad por compronde e pakico di e tardanza, e ehecutivo di Jossy Motors a duna di conoce cu mester a haci ahustenan den e parti e aire. E compania mes a bin di Brazil pa haci e ahustenan. Banda di esaki tabata tin algun otro cos cu mester a wordo cambia tambe.

Mester a percura pa tur cos ta bon como e temperatura cu Arubus a pidi y Jossy Motors mester a cumpli cu esey, a señala.

E busnan tin garantia. E producto ta wordo entrega bon na Arubus y mester a ‘make sure’ cu e busnan ta keda pa termino largo. Esey nan tabata haciendo pa asina tur cos wordo entrega bon, Cezar Tromp a indica. E busnan a wordo gestest ariba caminda, a agrega.

El a reitera cu otro siman e prome dos bus lo wordo entrega na Arubus y asina e otronan keda cla, esakinan lo wordo pasa over pa e compania.

- Advertisement -

DUNA COMENTARIO

Please enter your comment!
Please enter your name here