ORANJESTAD (AAN): Empleadonan di Biblioteca Nacional Aruba a haya un demo di e uso di e database di EBSCO for di su representante di benta, sr. Rafael Lagares.
Esaki cu e meta pa por yuda publico busca informacion den un database extenso di revista digital, Ebooks, articulo for di journals y corant y mucho mas.
Publico por accesa e database di EBSCO via e website di biblioteca sigiendo e link di EBSCO. Por accesa e database for di cas, scol, oficina.
Biblioteca Nacional Aruba ta ofrece su miembronan aceso na un database online pa busca informacion.
E database di EBSCO ta contene articulo di revista digitalisa cu un variedad grandi di topico, Ebooks, informacion di autor, hopi biografia, articulo di historia, hobbies y obra di man, informacion pa consumidor, ta djis algun items di e contenido amplio.
E informacion ta dividi den diferente categoria. Por tira un bista via www.bibliotecanacional.aw su homepage.
