Desaster cu computer en espera rapport crimen laboratorio

    388
    0
    SHARE
    - Advertisement -

    Aruba ta keda den espera di un investigacion clave

     Investigacion fraude testnan di cancer a keda pendiente 

    ORANJESTAD(AAN)– Na momento cu aparatonan nobo a wordo instala na hospital, DIARIO a indica cu den e dianan aki por a spera presentacion di un rapport sumamente importante.

    E introduccion cu basta publicidad di e aparatonan nobo relaciona cu PAP-test, tabata tin relacion directo cu e miedo cu tabata biba cerca damanan na Aruba. Mas di 2 Mil dama a wordo afecta pa e fraude di laboratorio di hospital cu e test pa determina posibel presencia di cancer na matriz y organonan di hende muhe.

    Un rapport extenso a wordo traha y mester a mira luz for di siman pasa segun informantenan.

    Den e situacion cu a surgi na hospital, e pregunta a nace si e presentacion di e rapport hopi importante, por wordo posponi  ya cu hospital mester soluciona e problema grandi di comunicacion cu internet.

    DIARIO ta en espera di mas informacion ya cu e caso di fraude cu PAP-test tin atencion serio di pashentnan y sigur di damanan.

    Dos persona clave den e proceso di test pa cancer, a wordo suspendi di nan trabou na laboratorio y e rapport mester dicidi si nan ta bay wordo persigui tambe pa crimen.

    Pues e rapport aki por bay termina den man di Ministerio di Husticia.

    Por comprende cu pa personanan yega na hospital y activo den otro ramonan di cuido medico, e contenido di e rapport ta sumamente valioso.

    Situacion di hopi tension y cu no ta coresponde na mundo medico por sali dilanti y asina urgi pa tuma pasonan den reorganisacion completo di loke for di 2017 a teme.

    Aparentemente tabata tin reserva di varios banda pa e nombramento di e manager nobo di laboratorio dor di gobierno anterior. E indicacion ta cu ta na su adres na Hulanda e testnan cu lo mester a bay un supuesto laboratorio, tabata wordo manda.

    E investigacion na Laboratorio di Hospital ta uno di e casonan cu tin DIARIO y hopi lector pendiente den e situacion nobo di problema na HOH.

    - Advertisement -

    DUNA COMENTARIO

    Please enter your comment!
    Please enter your name here