Home Gobierno Desempleo na San Nicolas ta e di mas halto di Aruba: 26%...

Desempleo na San Nicolas ta e di mas halto di Aruba: 26% (CBS y Labor)

47
0
SHARE
- Advertisement -

Hotel na San Nicolas lo cambia e panorama pa creacion di hopi empleo pa e mesun poblacion

ORANJESTAD (AAN) – Minister Otmar Oduber a haci hopi enfasis den conferencia di prensa Diahuebs mainta, previamente na e groundbreaking di Secrets Baby Beach Resort, den oranan di atardi, tocante loke e desaroyo aki ta bay trece pa e distrito, unda cu creacion di empleo pa su poblacion, ta un di e puntonan fuerte.

Minister Otmar Oduber a trece dilanti cu na momento cu ta bay tin un desaroyo di impacto cu un hotel na San Nicolas, cu ta loke ta carga Aruba su economia, y cu ta crea e volumen di e cantidad di hendenan den e area aki, automaticamente ta bay crea loke no tin na e momentonan aki pa San Nicolas.

Esaki den sentido di car rentals cu ta bay ubica akinan, restaurantnan cu ta habri pariba, tiendanan di souvenirs, empleo cu ta bay crea pa un cantidad di ciudadano cu na e  momentonan aki tin cu paga transporte pa bay sea Playa of na Noord unda nan ta emplea den hotelnan.

Ademas, San Nicolas a perde masha hopi di su hendenan cu a imigra bay biba den otro barionan rond di Aruba, y cu hopi cas den e distrito a keda abandona y cu aña tras aña a bay atras.

Segun estadisticanan di CBS y Departamento di Labor, San Nicolas tin e porcentahe di desempleo mas halto (26%) particularmente entre hoben y grandinan.

E mandatario no ta kere cu tin un persona na Aruba cu bisa cu San Nicolas no merece e oportunidad aworaki, di tin un desaroyo economico, manera ta wordo premira cu e hotel aki.

Pesey tambe, gobierno a percura pa tin e condicionnan, y e seriedad tras di un proyecto asina importante, y cu, como mandatario, e tas convenci cu lo crea un futuro y un historia importante y grandi, di transformacion pa San Nicolas pa motibo di e impacto cu ta bay tin, no economicamente so pero tambe laboral y social riba e totalidad di e pueblo di San Nicolas.

E mandatario a agrega cu gobierno no solamente a percura pa e hotel pero tambe pa crea e infrastructura turistico pariba di nos isla, y lo continua di haci esaki pa medio di diferente proyecto cu a wordo anuncia.

Minister Oduber a menciona, por ehemplo, e desaroyo di e caya principal di San Nicolas, ampliacion di Baby Beach, inversion den diferente proyecto di vivienda cu ta bay tuma lugar, netamente pa crea un master plan.

Cu e groundbreaking den oranan di atardi, e dignatario a bisa, mester realiza cu gobierno ta haciendo algo sumamente importante, cu un impacto asina grandi pa San Nicolas, pa Aruba, pa pueblo en general y pa Aruba su economia.

E mandatario a reitera cu e siman aki a habri cu noticianan sumamente positivo cuminzando cu e hecho cu despues di tanto aña, pa prome biaha e presupuesto lo cera cu un presupuesto balansa despues di a cumpli cu e normanan di Laf y den 2020 lo entrega un presupuesto cu surplus despues di 12 aña cu a crea debenan.

El a bisa cu surplus ta nifica cu despues di 12 aña, e gobierno aki ta crea e oportunidad di cuminza reduci e deficit hereda, cu a wordo genera for di Status Aparte, y cu durante e ultimo 12 añanan a sigui crece bay ariba.

 

 

- Advertisement -

DUNA COMENTARIO

Please enter your comment!
Please enter your name here