Home Social Diahuebs awor tin encuentro informativo di Samenwerkende Fondsen Caribe pa fundacionan cu...

Diahuebs awor tin encuentro informativo di Samenwerkende Fondsen Caribe pa fundacionan cu ta traha pa nos grandinan

16
0
SHARE
- Advertisement -

ORANJESTAD (AAN): Samenwerkende Fondsen Caribe ta consisiti di 5 fondo hulandes cu ta traha mutuamente pa sostene y duna finanzas na iniciativanan social di e 6 islanan  den caribe cu ta forma parti di Reino Hulandes.

Cu e apoyo aki kier aumenta e participación social den Reino caribeño, duna hende e oportunidad pa conecta cu otro y garantiza cu tin participación di tur hende den e sociedad.

Diahuebs 21 di november, miembronan di Samenwerkende Fondsen conhuntamente cu nan partner CEDE Aruba lo organiza un reunión informativo y interactivo pa fundacionnan cu ta traha na bienestar di nos grandinan of cu tin planes pa haci esaki.

Samenwerkende Fondsen Caribe lo splica nan areanan di sostén, pa asina organizacionnan por aplica pa financiamento di proyectonan cu lo beneficia nos grandinan. E aplicación por ta pa un proyecto grandi of chikito y lo por inclui por ehempel actividadnan social y intergeneracional den bario, actividad pa educa y guia boluntario y actividadnan den casnan di cuido.

Por organiza actividadnan cultural y recreativo pa esnan cu ta biba nan so, pa asina sali for di soledad y inmobilidad. Tambe por enfoca riba actividadnan cu ta preveni un of otro enfermedad. E punto mas importante ta cu hende ta topa otro den un forma structural.

Durante e reunión aki lo brainstorm riba ideanan y informacionnan pa asina yuda di e manera aki yega na ideanan concreto. Esnan cu bin atende e reunión aki lo worde inspira pa entrega nan proyectonan. Lo bay tin suficiente tempo pa contesta preguntanan.

E encuentro aki lo tuma lugar hunto cu e team di CEDE Aruba. E Idioma cu lo worde usa durante e encuentro ta hulandes, ingles y papiamento.

E encuentro lo tuma lugar na Piedra Plat Entertainment Center, ta cuminsa cu registración 4.15 p.m. y ta start pa 4.30 p.m. te cu 6.30 pm.

Mirando e forma interactivo cu lo guia e reunion, ta pidi tur hende pa yega na tempo.

- Advertisement -

DUNA COMENTARIO

Please enter your comment!
Please enter your name here