Home arte y espectaculo Diaranson anochi tin Art Fashion riba Plaza Lolita na San Nicolas

Diaranson anochi tin Art Fashion riba Plaza Lolita na San Nicolas

64
0
SHARE
- Advertisement -

ORANJESTAD (AAN): Durante un conferencia di prensa convoca na sede di ArtisA, un biaha mas Tito Bolivar a anuncia cu e weekend di Arte a yega!

Tito Bolivar ta na cabez di e actividadnan di Aruba Art Fair, Art Fashion, y diferente proyecto mas.

Esaki ta e siman unda naturaleza y caranan ta bin dilanti, art fashion ta bin dilanti, y art fair tambe.

Art Fashion mes lo ta Diaranzon 20 di November na San Nicolas, y e aña aki ta conta cu hopi artista, sea conoci of no-estableci.  E tema e aña aki ta “Breaking the Silence”, y a base di esey cada diseñador a escoge nan tema pa asina transmiti nan mensahe na pueblo.

Aruba lo conoce un otro dimension pa loke ta Arte den forma di Fashion.

E sensacion di Colombia, Valentina Terra ta habri e anochi cu su presentacion di ‘Culture Awareness’, na unda e ta expresa e choke di Cultura rond di mundo, e falta di aceptacion na momento cu bo no ta ser considera local.

E hoben Arubano Javan Croes, su expresion artistico “Love Yourself” ta un grito na e hoben, e adulto, pa expresa y no keda sin divulga  miedonan den bo interior, pero stima bo mes.

Artista Colombiana Erica Moran, residencia pa mas di 20 aña na Aruba, ta trece un explosion di colornan, y su mensahe “ Mustrami bo colornan”. ‘Be yourself’, mustra Bo cara real y biba e bida yena di colornan.

Hoben Artista Gionina Engelhardt, despues di su exitoso studio ta bolbe Aruba y ta trece e mensahe cu Aruba ta biba di cerca cu ta Abuso di Mucha. Di un forma sensacional e artista ta combina e grito di e mucha den un obra di Arte.

Fausta Luna lo ta excepcional cu su expresion di “United Culture through Art”.

Mientras Milena Reyes lo trece un obra fantastico cu ta yama” Sororidad”

For di Praga e Artista Internacional Pauser lo electrisa tur presente cu un obra expectacular cu ta papia riba e digitalisacion y e miedo di e poder cu esaki por tin riba e hobennan. Un show di luz y arte.

For di Curacao, e hoben Artista Clayten ta revoluciona moda den su totalidad, treciendo un coleccion di “Black Power” y ta papia di e sobrevivencia di esnan di color den e mundo revolucionario. E mundo cu tin biaha t’asina destructivo entre rasanan. Y toch di un manera unico e ta elabora di e poder di rasa.

Diseñado cu ta hiba Aruba su nomber na nivel Internacional, creando mas y mas sensacion na unda cu e ta desfila Giogiola Gomez, ta culmina e show di e anochi aki cu su grito “Freedom of Speech”. Un coleccion unico y dinamico.

Pa prome biaha aki na Aruba, Victoria Secrets ta desfila cu e afamado ‘Victoria Angels’, na unda nos dinamico Artista Geraldine Muller ta trece e storia di Breast Cancer den creaccionnan impresionante.

Un show en bibo cu Aruba su astro Datapanik lo ta un di e culminacionnan di e anochi aki.

Hilyann Croes y Leonardo Phillips lo ta e anfitrionnan pa e anochi aki, hobennan cu lo marca historia pa e manera unico cu nan lo trece e show dilanti.

‘Breaking the Silence’, lo ta riba Plaza Lolita, dunando asina reconocimento na e obra di Arte di  Artista Internacional sr Gilbert Senchi y su obra fabuloso di Lolita.

- Advertisement -

DUNA COMENTARIO

Please enter your comment!
Please enter your name here