Home Deporte Diasabra awor lo tin e di 7 edicion di MLB award party

Diasabra awor lo tin e di 7 edicion di MLB award party

57
0
SHARE
- Advertisement -

ORANJESTAD (AAN) – Diasabra awor e conocido pelotero Roy Angela tin su MLB best prediction award night party na Barcadera Arena.

Esaki lo ta e di 7 edicion y e anochi aki algun deportista lo wordo homenagea y lo tin animacion di orkesta Badu y Ito Stamper cu Back on Track.

E personanan cu lo ricibi homenage ta Pablo Peña, Max Gumbs y Raul Werleman.

Por a compronde cu tin 3 ganador pa e prome premio. Amantenan di deporte y bon musica ta keda invita pa e tremendo anochi aki y comparti un rato cu ex peloteronan grandi di Aruba.

Raul Werleman
1962 – A hunga den A-Klasse pa e team di Estrella.
1963 – A debuta den AA cu Winston di Santa Cruz.
1964 – A bay Santo Domingo cu e seleccion di Aruba.
1965 – A bay e campeonato mundial na Colombia cu e seleccion di Antiyas.
1966 – A forma parti di e seleccion di Aruba cu a hunga contra e seleccion di Cuba cu a bishita nos isla.
1967 – Di cuatro den promedio di bateo y lider den base roba.
1969 – A hunga pa Heineken cu a titula subcampeon di nos isla.
1970 – A hunga den Copa Antiyano (di campeonato pasa) cu Heineken.
1970 – A bolbe bay hunga pa Winston.
1972 – A hunga pa Santa Cruz stars y a titula campeon bate cu promedio di 354.
1972 – A hunga pa e seleccion di Aruba contra Corsou.
1973 – Di tres den bateo cu promedio di 375; Lider den hit conecta (empata cu Richard Simon); Lider den homerun (empata cu Alfonso James y Skeet Ponson) y lider den base roba (empata cu Max Gumbs).
1973 – A reforsa Marlboro pa e wega contra Springfield College.
1974 – A forma parti di e seleccion di Aruba contra Corsou.
1974 – A hunga pa J&B Santa Cruz.
1975 – Di cuatro den bateo cu promedio di 326 y lider den homerun (empata cu Clement Hughes).
1976 – A hunga pa Sibonne vdi Santa Cruz.
1977 – A hunga pa Santa Cruz Royals y a caba di cinco den bateo cu promedio di 349.
1979 – 1980 – A hunga pa Aruba Video Center.

Despues den añanan 80 a fungi como coach di Aruba Video Center y na 1984 como manager.

- Advertisement -

DUNA COMENTARIO

Please enter your comment!
Please enter your name here