Home Gobierno Discurso di Minister Otmar Oduber na ocasion di inauguracion di Watty Vos...

Discurso di Minister Otmar Oduber na ocasion di inauguracion di Watty Vos Boulevard

227
0
SHARE
- Advertisement -

ORANJESTAD (AAN) – Durante e inauguracion di Watty Vos Boulevard diamars mainta, Minister Otmar Oduber a dirigi palabra na tur e invitadonan cu tabata presente.

“Mi por a comprende, den e planificacion a tuma rond di cuater aña di negociacion y preparacion pa percura pa tin e financiamento necesario, e ekiponan pa prepara e trabaonan riba papel, pa e por a cuminza wordo ehecuta.

“E Gobierno aki, Gabinete Wever-Croes cu ta sinta na e momentonan aki a ehecuta un proyecto cu no tabata facil manera mi a bisa. Cu tur su retonan, cu tur su complicacionnan pero a hacie di e mihor forma cu e expertonan cu nos tin, y dunando tambe nos expertonan local e sosten cu tabata tin.

“ Un proyecto manera esaki, cu ta den planificacion, den preparacion pa casi 40 aña, nos tur por conta cuanto gobierno a cay bao di dje, no por tin duda di un necesidad cu tabata creciendo, y un necesidad cu no ta un luho pa e pais aki pero cu mester di dje pa e calidad di bida di nos hendenan.

“ Y pesey awe, mi ta para cu hopi honor akinan. Un trabao hopi duro, manera mi a bisa un rato pasa, hopi batimento di cabes, hopi discusion, hopi diferencia di opinion cu por tabata tin, pero tambe hopi momento di placer y satisfaccion, ora bo a mira cu asfaltamento a cuminza, cu overpass ta wordo crea, cu na cierto momento rotondenan ta keda cla, bo ta mira luznan ta bay halto y, finalmente, nos ta yega na e momento cu nos ta habri y haci apertura di e trabaonan aki.

“ Mi ta bolbe pidi, pa ultimo biaha por ta, pasenshi di comunidad di Aruba. Nos tey, e caminda ta habri, ainda ta falta algun trabao cu tin cu wordo eherce, tin di nan cu mester wordo drecha, tin otronan cu mester wordo take care: matanan, landscaping, pero na final di dia nos por ta sumamente orguyoso.

“Mi kier finaliza gradiciendo Departamentonan di obranan publico, DOW, Marlon cu a kibra cabes hopi mes den presencia di e team completo, tin biaha nos so sinta na mesa, pero awe nos por ta sumamente orguyoso di e trabao cu DOW a eherce y mi kier a pidi un fuerte aplauso pa henter e team cu a traha. Pabien Aruba! Laga nos uza e caretera aki di e mihor forma, mas sano posible. E ta un proyecto nobo, cu hopi reto pa e automobista, 13 rotonde den total di diferente tipo: paperclip, turbo, single, doble, triple rotonde. Tur sorto di rotonde cu tin”, Minister Otmar Oduber a expresa.

Pa conclui el a resalta e presencia di KPA durante e evento aki, y a bisa cu den e siman y lunanan nos dilanti lo percura pa educa comunidad pa drenta y sali di e rotondenan cu sight light y sali for di nan y si e automobilista bruha no subi riba e aceranan nobo cu peligro di causa accidente. “Dal un ronchi, cera conoci cu e rotonde, bay den bo link corecto y asina nos tin un trafico safe na Aruba”.

- Advertisement -

DUNA COMENTARIO

Please enter your comment!
Please enter your name here