Home Carnaval Dushi Carnival Group y Jeon & Upgrade Music lo ta hunto...

Dushi Carnival Group y Jeon & Upgrade Music lo ta hunto den Carnaval 66

188
0
SHARE
- Advertisement -

Cu e unico meta di tene e soño y memoria di nan fundador Hildward Croes qepd , Dushi Carnival Group a anuncia e inicio di un fase nobo cu lo ‘jumpstart’ e grupo aki den e proximo nivel.

Durante un rueda di prensa teni na Lucky Luciano’s, Presidente di DCG Aldrick Croes a haci e anuncio oficial durante cual e director musical di Jeon Upgrade Music T-Drick BoekHoudt tambe tabata presente kende a expresa su emocion cu e acuerdo nobo aki.

Upgrade Music ta di opinion cu Dushi Carnival Group ta e grupo cu ta pas perfectamente cu nan vision y style musical.

DCG na su turno ta sumamente honra cu e aceptacion di Jeon y su Upgrade Music pa por forma parti di DCG den Carnaval 66.

Tabata Hildward su deseo, kende semper a wak e talento y don musical di Jeon, pa por a colabora hunto riba un produccion. Esaki na bida no tabata posibel. Pero postumamente DCG y JEON, cu su banda Upgrade Music, lo percura pa haci El Principe orguyoso.

Na mes momento a anuncia cu pa diabierna awor e prome promocional pa Carnaval lo ser lanza riba mercado specialmente pa “the Dushi People”.

8 di November por cuminsa inscribi pa Fakkel y tur otro parada cu DCG. E dia aki lo tin presentacion live di JEON y Upgrade Music lansando e tema nobo carnavalesco specialmente pa DUSHI. Por haci esaki na Casibari Bar & Grill for di 7PM en adelante.

Uni bo mes na e proximo nivel di DUSHI cu JEON & UPGRADE MUSIC cu nan main sponsor Dushi Vibe Fest cu lo tene un mega concierto pa pueblo di Aruba na luna di April 2020.

 

- Advertisement -

DUNA COMENTARIO

Please enter your comment!
Please enter your name here