ORANJESTAD (AAN) – Aruba Malmok Runners ta un club deportivo cu ta dedica hopi tempo na entrena na e muchanan y tambe na e adultonan cu ta desea di practica e deporte di coremento.
Pesey e coachnan ta dirigi e trainingnan abase di trabou voluntario y ta duna tur di nan tempo pa asina yuda e atletanan di chikito te na grandi pa bira lo mihor den e deporte di coremento.
Aruba Malmok Runners ta invita tur coredonan y canadonan y muchanan pa bini competi den nan “Ultimo competencia pa aña 2019” .
E ta tuma lugar dia 15 di December’19 esta riba un diadomingo:
Lo start sali pa 6:15 di mainta cu e 5K Run y 5K Walk, cual ta pa e edadnan desde 16 aña bai ariba, lo premia e prome 3 coredonan femenina y 3 coredonan masculino den kada categorianan:
16 – 19, 20 – 29, 30 – 39, 40 – 49, 50 – 59, 60+
Tambe lo premia e prome 5 canadonan femenina y e prome 5 canadonan masculino den kada categorianan: 16 – 40, 41+
Despues pa 7:00 di mainta ta start cu e careda mas popular di muchanan den differente edadnan,
lo premia e prome 3 muchanan muher y e prome 3 muchanan homber den e kada categorianan:
100m pa 2 aña (2017)
200m pa 3 aña (2016)
400m pa 4/5 aña (2015/2014)
600m pa 6/7 aña (2013/2012)
800m pa 8/9 aña (2011/2010)
1000m pa 10/11 aña (2009/2008)
2000m pa 12/13 aña (2007/2006)
3000m pa 14/15 aña (2005/2004)
Por pasa registra y paga na: IBISA Oranjestad for di Dialuna pa Diabierne for di 8:00am – 4:00pm.
Lo tin un prijs pa e competencia di 5K Run/Walk desde edad di 16 aña y pariba . Y pa Kids Run desde edad di 2 te cu 15 aña .
E meta di comision di mayornan di Aruba Malmok Runners ta pa genera fondo pa yuda nos club deportivo pa cu nos mihor muchanan selecta por bay competi den e “Trupial Classic 2020 na Curaçao”.
Alavez ta pidi pa e conductornan tene cuenta riba e caminda ya cu pa 6:15 di mainta un grupo grandi di coredonan y canadonan, lo start sali for di e pista di Bushiri Karting Speedway y ta dal un buelta riba e pista pa despues sali bai pa’for rumbo pa Schotlandstraat y pa despues bira nan man drechi pa drenta Italiëstraat te na e krusada banda di Tat-Fat Homecenter pa bira bek pa bini riba e mesun ruta rumbo pa drenta bek den e pista di Bushiri Karting Speedway y ta termina cu un buelta riba e pista.
Pa siguridad di e muchanan e competencia di e muchanan lo tuma lugar completamente riba e pista di Bushiri Karting Speedway.
