Home General Espacio Aereo di Curacao awor ta completamente cubri cu sistema ADS-B Espacial

Espacio Aereo di Curacao awor ta completamente cubri cu sistema ADS-B Espacial

262
0
SHARE
- Advertisement -

ORANJESTAD (AAN): Manera ta conoci, e espacio aereo rond di islanan ABC, como tambe un parti grandi panort riba Lama Caribe, ta bao control di Curacao Air Traffic Control.

Siman a habri, y e controladornan aereo di Dutch Caribbean Air Navigation Service Provider (DC-ANSP) a anuncia cu nan a instala servicio di vigilancia Space-Based ADS-B di e marca Aireon.  E sistema aki lo bay yuda Aruba controla su FIR (Flight Information Region).

Awor e sistema aki lo tin visibilidad di 100 porciento riba e trafico aereo riba e region di 300.000 kilometer cuadra cu Curacao Air Traffic Control tin bao su responsabilidad.  Mayoria di esaki ta riba lama.

Prome cu Aireon a bin, e FIR di Curacao no tabatin cobertura real-time di avionnan bulando den e parti mas noordwest di e sector aki.  Pero awor e space-based ADS-B ta suministra cobertura unda antes no tabatin mes.

Curacao FIR ta un espacio aereo hopi importante pa vuelonan entre Merca, Centro America, Sur America, Caribe, y Europa.  Cu e sistema nobo aki, Controladornan Aereo na Curacao awor danki na e sistema aki, por cuminda reduci e separacion di avionnan, y guia e pilotonan mas eficientemente den e sector noordwest di e FIR di Curacao.

 

- Advertisement -

DUNA COMENTARIO

Please enter your comment!
Please enter your name here