Home Policial Europa a gara nan prome narcosubmarino cu 3 ton di cocaina

Europa a gara nan prome narcosubmarino cu 3 ton di cocaina

750
0
SHARE
- Advertisement -

ORANJESTAD (AAN): Polisnan na Spaña a intercepta loke a bira e prome captura di un Submarino di Narcotraficantenan den Europa!

Diadomingo el a bira realidad na Spaña, ora cu danki na un operacion internacional, di tanto Policia Nacional, Guardia Civil, y Vigilancia Aduanera, nan a sa di gara y confisca e prome narcosubmarino interecepta na Europa.  Esaki na e costa di Pontevedra.  Y e submarino tabatin mas di 3.000 kilo di cocaina.

E narcosubmarino a wordo fabrica na Guyana, y tin 22 meter di largura y a yega Europa procedente di Colombia.

Tabatin tres persona den e Submarino.  Uno a logra huy, y asina dos tripulante so a keda deteni, y nan ta procedente di Ecuador.

Den pasado, a yega di tende hopi storia cu droga ta wordo transporta di Africa pa Spaña den submarinonan asina tambe, pero nunca nan a logra captura uno.

Autoridadnan aparentemente tabata siguiendo su pista, y a dicidi drenta den accion riba Diadomingo, net dilanti costanan di Aldán, cu ta e di dos nucleo urbano di municipio di Cangas do Morrazo, na provincia di Pontevedra.

E Submarino parce tin hopi aña caba ta wordo usa, y autoridad ta sospecha cu e lo ta wordo usa pa transporta carga grandi di droga como 2 biaha pa aña.

E caso aki a pone cu spotlight ta bay riba e narcotrafico di Galicia na Spaña.  Fuera di esey, awor nan ta tratando di saca e submarino for di lama.  Autoridad ta kere cu e gruponan cu ta tras di e cargamento aki ta hopi fuerte, pasobra e Submarino ey so lo ta costa como 2.5 miyon Euro.

Galicia ta semper un lugar preferi pa narcotraficantenan na Spaña, como un puerto pa drenta cu droga.  Esey debi na e forma cu su costa ta.

Otro parti di mundo tabatin sigur Submarinonan cu mas biaha a worde uza pa transporta droga. Dilanti di costa pacifico di Colombia mes den luna di September a bin descubri un Submarino cu droga abordo aparentemente  destina pa Merca . Aña pasa na costa di Suriname tambe nan a intercepta un Submarino.

- Advertisement -

DUNA COMENTARIO

Please enter your comment!
Please enter your name here