Home Enseñanza Exitoso Open House na Universidad di Aruba

Exitoso Open House na Universidad di Aruba

27
0
SHARE
- Advertisement -

ORANJESTAD (AAN) – E studiante di e facultad di Hospitalidad y Turismo Laura Molina, e elabora den entrevista cu DIARIO, tocante e cas habri cu a tuma lugar, Diasabra 9 di November aki, na Universidad di Aruba.

El a splica cu e evento aki a tuma lugar pa e comunidad di Aruba bishita U.A y wak kico tur e Institucion tin di ofrece, e diferente sectornan, e facultadnan cu tin.

Tabata tin studiante y maestronan cu a guia nan cu informacion, por ehemplo si nan tabata tin duda, y tambe pa nan wak e ambiente di Universidad con e ta bay ta si nan ta scoge pa studia na U.A.

El a comenta tambe cu cada sector tin su rekisitonan cu e studiante mester cumpli cu nan, pa nan drenta den e opleiding, den e caso aki di Hospitalidad y Turismo, y el a indica kico nan ta por ehemplo si e studiante ta bin di Merca, y esnan local cu mester tin HAVO of VWO of un diploma di Colegio EPI, ademas di presenta un carta di motivacion, splicando di con e studiante kier bin Universidad di Aruba, y pakico e ta kere cu e Facultad di Hospitalidad y Turismo ta bon pe.

Laura Molina a menciona cu e inscripcion aña pasa tabata hopi exitoso unda a ripara cu hopi studiante a keda na Aruba, y mayoria di studiante cu a bin U.A e aña aki ta di “Academy Foundation Year”.

E studiantenan ta bin na AFY pa nan haya sikiera un base pa wak si nan kier bay den exterior of nan kier keda na Aruba.

Esaki ta un muestra cu nan ta mira cu U.A ta ofrece nan hopi bon programa y oportunidadnan y nan ta mas conciente cu keda na Aruba ta mihor pa nan.

- Advertisement -

DUNA COMENTARIO

Please enter your comment!
Please enter your name here