Home Salud FADA ta grabando un video hopi mas real pa e temporada di...

FADA ta grabando un video hopi mas real pa e temporada di fin di aña

21
0
SHARE
- Advertisement -

Rulienne Arends Trahador Preventivo:

ORANJESTAD (AAN) –Rulienne Arends, Trahador Preventivo di Fundacion Antidroga Aruba (FADA), a duna di conoce cu FADA ta grabando e siman aki e video cu semper e fundacion ta lanza den diferente temporada, y esun di fin di aña no ta keda afo.

E temporada aki FADA ta lanza un video cu ta bay representa e periodo di fin di aña. Den e epoca aki hopi hende ta haci consumi mas alcohol y ta bay core auto, bromer of schutter. E video aki ta bay ta hopi mas real y ta bay yega hopi mas cerca di e eventonan cu ta sosode na Aruba.

E ta bay wordo lanza mesora cu December drenta, y e grabacion ta asina tempran cu ta bay tin henter un team grandi cu e team di FADA a haya hende pa coopera cu e video, y nan ta hopi entusiasma cu e proyecto aki.

Na mesun momento a cuminza pensa kico lo ta e plan pa carnaval, unda cu FADA ya a tuma contacto cu cierto companianan local, y nan ta bay sinta cu nan na mesa y wak di ki forma nan por uni forza pa loke ta trata consumo di alcohol durante carnaval.

El a menciona cu e team di Carrousel tambe a sinta caba pa loke ta e plan pa carnaval, y Amigo DIDI ta den full swing. Tin plannan grandi pa Amigo DIDI pa keda mantene na halto no solamente den cierto temporada, pero pa e keda constante durante henter e aña.

FADA a ripara cu tin hopi accidente ta sosode un bez mas door di abuso di alcohol.

Arends a splica cu e team recientemente a elabora tocante e camindanan grandi y e manera con hendenan ta core riba nan, y unda FADA lo pone borchinan cu mensahenan no solamente positivo, pero tambe pa alerta e chofernan riba e peligro si nan ta bay stuur auto bao di influencia.

Nan ta pensando con nan ta pone e borchinan aki na diferente area di e isla, no solamente riba e camindanan cu ta wordo uza hopi y na unda velocidad ta hunga un rol, sino na diferente parti estrategico. Biaha pasa nan a pone borchi na diferente rotonde y esaki a yuda pasobra nan tabata hala atencion di tur hende, y esaki ta algo cu nan kier bin atrobe cune.

Fundacion Zinnia tambe ta trahando duro pa nan programa di mi Amigo DIDI, y awor FADA ta sinta cune na mesa, pa wak e ideanan cu nan tin y trece tur esey dilanti y loke ta mas importante y cu hopi hende ta puntra pe ta e busnan. Esaki ta un parti cu lo wordo treci dilanti, pa wak den ki forma e busnan por tey, un biaha mas.

- Advertisement -

DUNA COMENTARIO

Please enter your comment!
Please enter your name here