Home Deporte Federacion di tennis di mesa a tene nan torneo di ranking

Federacion di tennis di mesa a tene nan torneo di ranking

26
0
SHARE
- Advertisement -

ORANJESTAD (AAN)- E sistema di ranking ta uno hopi importante pa e federacion di tennis di mesa, esta Aruba Table Tennis Association unda hungadornan tin cu lucha cada torneo pa keda halto den puntuacion y posicion pa asina e representacion den exterior por ta mas cu bisto na fabor di esnan cu ta sobresali.

Den e ultimo añanan por a ripara cu esaki a yuda masha hopi unda e atletanan ta hasi nan maximo esfuerso pa matene of mehora nan nivel pa asina duna un miho bataya na nan contrincantenan mas sercano pa a lo largo bira e number uno den nan categoria.

E competencia aki sin duda ta uno sano y e mayoria ta haya e oportunidad pa midi nan nivel den exterior esaki den torneonan renombra den region y continente. Aruba Table Tennis Association lo sigui hasi nan maximo esfuerso pa cumpli cu nan atletanan organisando torneonan individual y team esaki tanto na Santa Cruz y San Nicolas.

Den e resultado di ranking den luna di October tin den U13, na prome lugar Shaun Kock, na di dos lugar Quetin De Lisle, na di tres lugar Dylan Deleca, na di cuater lugar Brandon Deleca, na di cinco lugar, Ethan Fan y na di seis lugar Chase Fan.

Pa loke ta e U-15 y Damas, ta haya na prome lugar, Josielienne Boekhoudt, na di dos lugar Ethan Fan, na di tres lugar Brandon de Leca y na di cuater lugar Shuan Kock.

Den Damas tin na prome lugar, Soraya Solagnier, na di dos lugar Jayslin Geerman, na di tres lugar Miriala Lobo, na di cuater lugar Kaydee Gomes, na di cinco lugar nos tin Rosa Solagnier y na di seis lugar nos tin Rixnalda Besselink.

Pa loke ta e ranking den  A y B klas aki ta haya na prome lugar Mario Lobo, na di dos lugar Andy Gomes, na di tres lugar Wing Chow Leong, na di cuater lugar Aldfred Leong.

Den e categoria B-klas, tin na prome lugar Zhao Xie,  na di dos lugar Sue Ann Leong, na di tres lugar Micheal Ling y na di cuater lugar ta haya Donald Yarzagaray.

Stichting Sportsubsidie Aruba ta contento di por aporta y brinda e ayudo na e federacion di Aruba Table Tennis, cu tur luna ta organisa e torneo di ranking pa nan atletanan di tennis di mesa.

- Advertisement -

DUNA COMENTARIO

Please enter your comment!
Please enter your name here