Home Enseñanza For di 1 di Januari 2020 interes riba Aruba Lening ta bira...

For di 1 di Januari 2020 interes riba Aruba Lening ta bira 0%

2133
0
SHARE
- Advertisement -

ORANJESTAD (AAN): Dialuna durante e conferencia di prensa di Gobierno di tur Dialuna, Minister di Enseñanza, Ciencia y Desaroyo Sostenible Rudy Lampe a bisa cu tin bon noticia pa Aruba.

“Ta un grato noticia cu nos por anuncia na un y tur cu tur esnan cu tin un Aruba Lening of den futuro ta bay aplica pa esaki no ta bay tin cu paga interes”.

“Den conseho di minister nos a dicidi cu e interes ta bay baha na 0%”.

“Esaki ta un tremendo noticia pa hendenan cu ta struggle pa añanan caba cu henter e problematica di interes riba e Aruba Lening”.

“Nos a sigui tambe e ehempel di e ‘Duo Lening’ na Hulanda pues, cu tambe a baha na 0%”.

Esaki segun Lampe, kende a indica cu e ta pas dentro di e maneho di Ministerio di Enseñanza.

“Esaki mester stimula tambe e profesionalnan di Aruba pa bin bek y yuda na Aruba”.

“E decision lo drenta na vigor prome di Januari 2020”, segun e mandatario, kende a sigui bisa cu tur esnan cu tabata tin un acuerdo firma caba pa loke ta e Aruba Lening, e noticia ta conta pa nan tambe”, segun e minister kende a sigui bisa cu esaki ta un forma pa inverti den nos enseñanza.

- Advertisement -

DUNA COMENTARIO

Please enter your comment!
Please enter your name here