ORANJESTAD (AAN): Diasabra anochi den un Renaissance Convention Center completamente yen Fundacion Movemento ta Bida a tene su songfestival 60+na Papiamento hunto cu e Nochi di Baliadornan.
Tur cantante cu a participa a duna un show perfecto di nan talento acompanja pa Papito y su Biba Lekker Band Plus. Henter e songfestival tabata bon hinca den otro door di e maestro Roy Sneek cu durante 5 luna a prepara tur e cantantenan.
E aña aki FMTB a haya ayudo di UNOCA den e festival aki y ja caba tur hende kier pa esaki bin back otro aña cu canticanan di Pasco na Papiamento. Nos no mag di lubida nos dushi idioma y tur hende a keda contento cu tur locual a worde presenta. Rene Ridderstaat como maestro di ceremonia a sa di guia henter e anochi aki perfectamente.
Despues di e festival Nos cu Nos, Reflection Band y The Musical Time a sigui toka y a deleita e publico cu a keda jena e pista te final di e anochi.
FMTB kier a gradisi tur esnan cu a bin e anochi aki y tambe Guardian Group cu a sponser tur Plakaat pa e ganadornan y Manrique Capriles cu a regala cada partisipante un bunita recuerdo. Tambe FMTB kier a gradici e juradonan cu tabata consisti di artistanan 60+: Ito Dania, Maybeline Arends, Sharon Rose, Roberto Geerman,John Hessen. President tabata Leo Rodriquez y IT person tabata Mario Middendorp.
E resultado ta lo siqiente: E Cantante mas popular: Victoria Andrews. Best show: Wim Steenhuis. 5 Lugar: Roberto Orman. 4 Lugar: Juan Carlos Hill. 3 Lugar: Rubia Maduro. 2 Lugar: Rudolf Lesire. 1 Lugar: Freddy Maduro.
Un pabien ta bay pa tur e ganadornan /participantenan y esnan cu no a haya chance pa participa e anochi aki cuminsa prepara pa otro aña.
