Home General Futura Innovation LAB satisfecho cu e prome Innovation Week

Futura Innovation LAB satisfecho cu e prome Innovation Week

78
0
SHARE
- Advertisement -

ORANJESTAD (AAN)- Manera cu lectornan di DIARIO por a tuma nota den edicion di DIARIO siman pasa, Futura, Aruba su Lab di Innovacion, hunto cu stakeholders clave na Aruba a organisa e prome edicion di ‘Immerse Innovation Week’!

Den e edicion di awe lo elabora riba mas di e eventonan y actividadnan cu a tuma lugar rond di Aruba.

Workshops y eventonan:

E di 5 anniversario di ATECH Conference a ranca sali diaranson dia 30 di oktober unda cu Aruba un biaha mas a experencia e TECH conference mas hot den Caribe cu e ultimo trends rond di mundo den technologia, marketing, branding, payments, y mas.

Despues di a ricibi mas di 50 aplicacion, e aña aki e Startup Pitch Competition a surpasa tur expectativa. E finalistanan, cu ta inclui un Startup arubiano a hasi un tremendo trabou di convence un panel di expertonan local y internacional pakico nan lo a merece e gran premio di $10.000 pa inverti den nan concepto. Y na final, despues di tur e suspenso e aña aki, pa prome biaha, e ganador absoluto di e Startup Pitch Competition a resulta di ta ‘Playhouse Entertainment’, un Startup Arubano cu ta promove papiamento den un manera creativo por medio di buki y videonan pa muchanan. Pues un palabra di pabien na Playhouse Entertainment cu e bunita proyecto aki, y pa e tremendo trabou durante e Startup Pitch Competition.

ATECH Conference a culmina diahuebs dia 31 di oktober unda cu varios orador y inversionista internacional manera Kent Murphy, Heather Gallagher di e famoso Burning Man, y Andrew Rabens di U.S. State Department, Jimena Delfino di MasterCard a intercambia ideanan cu e publico, y a trece varios topico sumamente importante dilanti.

Den esaki tambe tawata tin varios oradornan local manera Davina Mansur di WRE, Zena Neme di CRAFT y Egmar Irausquin di Elite Productions cu tambe a forma parti di diferente presentacion y panels na e conferencia aki. E tawata un di 5 anniversario sumamente exitoso pa ATECH Conference, innovadornan local, y pueblo en general.

SKOA – Durante e ‘Immerse Innovation Week’ educacion na Aruba tambe tawatatin su luga  riba e calendar nacional, unda cu SKOA hunto cu diferente partner den educacion na Aruba, organisacion no gubernamental (NGO), y organisacion internacional, a organisa e ‘Nationaal Onderwijs Congres’. Por a conta cu no menos cu 20 tayer pa stakeholder di educacion na diferente scol y localidad.

Topiconan interesante manera: ‘Technologie in de klas’, ‘Digitale Methodes’, ‘Cyber training awareness’, y mucho mas a wordo discuti y treci dilanti, y Aruba por wak bek na un ‘Nationaal Onderwijs Congres’ sumamente exitoso!

BAZ-RRR – situa den nos centro di ciudad Oranjestad tambe a host y organisa diferente sesionnan durante ‘Immerse Innovation Week’ den su ‘SDG Brasserie’.

Esaki ta un espacio creativo unda cu SDG ‘Goal Keepers’ a wordo invita pa inspira, educa, y intercambia ideanan pa asina envolve mas hende pa logra e SDGs nan defini pa Nacionnan Uni pa 2030.

Hopi hende a bishita BAZ-RRR durante e siman, y e feedback ricibi ta hopi positivo. Pueblo en general ta keda cordialmente invita pa pasa bishita BAZ-RRR den nos centro di ciudad pa asina sigui cu e conversacionnan aki y ademas pasa unrato ameno.

ARUBA ISLAND TAKEOVER – Na clausura di e ‘Immerse Innovation Week’ e programa a wordo ‘taken over’ completo door di Aruba Island Take Over (AITO). AITO a brinda pueblo di Aruba y especialmente bishitantenan, e posibilidad pa bini mas den contacto cu e comunidad local, y experiencia nos ‘island life’ por medio di musica, technologia, arte, cuminda y mas.

Cu diferente actividad y workshops tumando luga na entre otro ATECH, y Futura Café durante Immerse Innovation Week, e colaboracion aki a demostra con accion grandi por wordo logra ora cu diferente plataformanan bini hunto pa un causa comun.

Diabierna te cu Diadomingo tambe pueblo por a disfruta di concierto y evenementonan cu diferente artistanan local y internacional, unda cu entre otro Harbor Arena a yena por completo!

Por ultimo, un biaha mas e ekipo di Immerse kier gradici henter Aruba pa a join Immerse Innovation Week, celebra innovacion, sostenebilidad, y creatividad, y e contribucion pa hunto a haci e siman aki uno grandi cu a pone Aruba riba plataformanan internacional. Danki tambe na tur partners pa hasi e siman aki posibel, y pa pone innovacion central durante full e siman!

Pa sigui e conversacion di innovacion, creatividad, y sostenibilidad, un invitacion ta wordo hasi pa pueblo di Aruba pa pasa bishita Futura Café den Caya G.F. Betico Croes 16-18 na e di dos piso (ex Access Art Gallery) cu ta habri pa publico tur siman di Diahuebs pa Diasabra entre 4:30PM y 11:00PM te cu fin di aña! Tambe e ‘must see’ cu ta SPACES ta habri duante mesun dianan for di 3:00PM pa 7:00PM.

Bishita Futura Café y SPACES pa pasa unrato ameno den nos caya grandi cu creatividad, y sin lubida delicioso snacks y bebida.

- Advertisement -

DUNA COMENTARIO

Please enter your comment!
Please enter your name here