Home General Futuro Mike Eman como notario lo a bira scur

Futuro Mike Eman como notario lo a bira scur

1000
0
SHARE
- Advertisement -

Lider di AVP lo ta depende totalmente di politica

*Reglanan a haci porta pa trabou profesional dificil

*Puesto Ministro Presidente necesidad grandi pa Mike 

ORANJESTAD(AAN)–“Na momento cu Mike Eman a dicidi pa un carera politico, e tabata consciente cu e ta cera porta pa e traha a base di su profesion como notario. Actualmente e tin un problema grandi pa bay traha un carera como notario. E puesto di Ministro Presidente a bira un necesidad grandi pa Mike Eman.”

Cu algo mas cu politica ta un wega den desaroyo na Aruba, tur dia ta mas evidente. Cu tin motibonan serio tras di intentonan pa destabilisa Aruba y baha gobierno mas pronto posibel, ta algo cu tur ciudadano ta nota.

Informacionnan cu DIARIO a ricibi ta mustra cu pa Mike Eman, un notario di profesion, e decision cu el a tuma pa drenta politica practicamente a cera su caminda pa un dia habri un oficina di notario.

Leynan ta yuda pa un persona cu sirbi su pais, por bolbe su trabou ora e baha como gobernantenan of miembro di Parlamento.

Den caso di Mike Eman e situacion ta poco mas dificil.

“Mike semper a mira politica. E tabata consehero di su ruman homber como ministro presidente,” a wordo mustra.

Mike Eman a dicidi pa politica y tabata na haltura di e riesgo cu e tabata core. “Tico Croes mester a entrega su liderato di partido na Mike Eman, cu tabata sa e riesgo cu e tabata core,” a wordo mustra.

E trabou di notario ta mara na regla y no ta sin mas un hende por habri un oficina di notario y cuminsa haci e trabou.

“Actualmente Mike Eman no tin trabou y ta dificil asumi cu na su edad y despues di su carera e ta bolbe intenta drenta mundo di notario como kandidaat-notaris, cu lo ta e funcion cu e lo por exigi,” a wordo mustra.

Tin procedura pisa pa hende bira notario cu ta cay directamente bou di Corte di Husticia y ta mara na hopi regla.

“Na 2017 Mike Eman no a spera cu lo a yega un fin na e gobierno popular cu el a hiba, Su gobernacion tabata basa riba haya voto y rapportnan ta demostra e falta di responsabilidad di su gobernacion cu a hinca Aruba den un crisis financiero y economico nunca conoci den historia,” a wordo indica.

Kico ta pasa cu Mike Eman si no bini eleccion awor y e por regresa como Ministro Presidente no ta conoci. Di Hulanda no tin oferta pa por ehempel un puesto diplomatico.

E hecho cu Mike Eman no ta miembro di Parlamento segun informantenan ta un indicacion cu e no a spera cu gobierno actual lo a sobrevivi tur problema te awor. Varios intento pa baha gobierno e aña aki a fracasa y gobierno Wever-Croes ta prepara pa yega na un areglo cu Hulanda riba futuro financiero di Aruba.

Segun informacion den partido AVP mes tin hopi preocupacion riba futuro politico na Aruba cu por resulta di ta diferente na loke e partido a pensa.

- Advertisement -

DUNA COMENTARIO

Please enter your comment!
Please enter your name here