Home Gobierno Gobierno ta na mesa cu sindicatonan tocante indexering

Gobierno ta na mesa cu sindicatonan tocante indexering

159
0
SHARE
- Advertisement -

Minister Presidente: “pero no por kibra hero cu man”

ORANJESTAD (AAN) – Manera el a publica den edicion di DIARIO, di Dialuna, Minister Presidente a duna su relato tocante e dos prome añanan di gobernacion di Gabinete Wever-Croes.

Den conferencia di prensa di gobierno, Dialuna 18 di November, a bolbe trece esaki dilanti, y a referi tambe na diferente logro di su Gabinete.

SURPLUS 29 MIYON:

Enfasis e prome mandatario a pone riba e surplus di 29 miyon florin pa loke ta trata aña 2020, y esaki ta e palabracion cu gobierno tin cu Hulanda, cu lo wordo uza pa paga debe.

E dignatario a subraya cu aworaki gobierno ta den un situacion despues di diez aña, cu ta bay cuminza paga e debe bek, cu no a bin ta pagando tur e añanan aki.

“Esaki ta hopi importante, pasobra e ta manera un peso na nos pia, cu ta stroba e pais aki bay dilanti”, Prome Minister a expresa.

INDEXERING:

E mandatario a menciona cu gobierno ta na mesa cu e sindicatonan deliberando riba e tema di indexering. No obstante, manera el a bisa for di cuminzamento no tin mucho espacio financiero pa esaki.

Gobierno a sinta cu e sindicatonan siman pasa, atrobe, y loke nan a wordo ofreci ta pa gobierno reconoce un parti di e indexering di aña pasa cu ta 1%, cu ta wordo reconoci di tal forma cu e empleadonan ta haya un dia liber y tambe cu un parti di e indexering ta wordo paga na 2025.

Esaki pasobra di 2014 pa 2024 ya caba  gobierno ta pagando e inhaal cu gobierno anterior a palabra cu e sindicatonan y ta bay paga parti di e indexering di e aña anterior, esta 2018.

Apart di esey a papia cu e sindicatonan cu awo cu gobierno a cera e presupuesto, dentro di e cuadro di esaki tin un espacio cu por duna toch un suma den placa, cu ta ekivalente na 30 florin pa luna den salario.

Den salario pasobra e palabracionnan cu tabata tin cu gobierno anterior, tabata pafo di salario. Pues e no ta conta pa nan pension ni otro toelagenan cu nan tin. Aworaki, gobierno a bisa cu e ta dispuesto pa cambia esaki cu 30 florin den salario.

“Esaki ta loke tin riba mesa aworaki. Nos ta haciendo tur posible di nos parti pero nos no por kibra hero cu man tampoco. Tin cu corda cu gobierno tin cu tene cuenta cu 110 mil persona, cu ta biba den e pais aki, y no por solamente a base di e necesidad di cinco mil persona cu ta ambtenaar, yega na decisionnan cu por perhudica henter un pais”, Minister Presidente a expresa.

- Advertisement -

DUNA COMENTARIO

Please enter your comment!
Please enter your name here