Home Enseñanza Graduacion 2019 di Organization, Governance and Management na Universidad di Aruba

Graduacion 2019 di Organization, Governance and Management na Universidad di Aruba

60
0
SHARE
- Advertisement -

ORANJESTAD (AAN):  Dia 29 di october ultimo e programa Organization, Governance and Management (OGM) di e Facultad di Arte y Ciencia (FAS) na Universidad di Aruba a tene su ceremonia di graduacion den grupo.

Siete graduado, esta Giacomo Pais, Nicolette Habibe, Tiffany Stein, Kathleen Faro, Rosette Hernandez, Rousanne de Weever y Rosette Hernandez den compania di nan famia, amigonan y docentenan a ricibi nan diploma den e aula di Universidad di Aruba.

Kimberly Dowers tambe a gradua hunto cu e grupo aki pero el a scohe pa ricibi su diploma na augustus pa asina e cuminsa cu su programa di master na Universiteit Maastricht na Hulanda.

E anochi a habri cu un palabra di bon bini di e decano di e facultad Sr. Tim Croes. E programa a sigui cu e prome supervisor (eerste begeleider) di cada graduado kende a elogia e graduado cu ela guia cu su carera y cu su abilidadnan y caracteristicanan personal cu a destaca.

Despues hunto cu e decano e supervisornan a presenta e graduadonan cu nan diploma, lista di cifra y un regalo conmemorativo. Tambe cada un di e graduadonan a wordo sorpresa cu un bolo den e tema di graduacion.

E ceremonia di graduacion tabata un momento special den historia di OGM, cu awor ta conta cu 42 graduado en total desde cu e programa a inicia na 2009.

Riba e anochi aki a presenta Nurianne Arias Helder, kende a gradua for di OGM na 2016, cu e reconocemento “Outstanding Alumna 2019”.

Despues di a completa  su Bachelor of Arts na OGM, Nurianne a bay studia na Twente University y a obtene su Master’s in Public Adminstration na 2018.

Nurianne ta activo den diferente organisacion nan cu ta contribui na nos comunidad, entre otro PRISMA, cual ta un fundacion pa yuda pacientnan cu diabetes. Desde augustus Nurianne ta parti di e full-time staff na OGM como docente, pues el a bay di studiante pa colega na OGM.

Docentenan di OGM ta felicita e graduadonan y ta desea nan tur clase di exito den nan carera profesional y/of academic.

- Advertisement -

DUNA COMENTARIO

Please enter your comment!
Please enter your name here