Home Gobierno Groundbreaking di construccion di “Secrets Baby Beach Resort”

Groundbreaking di construccion di “Secrets Baby Beach Resort”

396
0
SHARE
- Advertisement -

Minister Otmar Oduber contento y satisfecho:

ORANJESTAD (AAN) – Diahuebs mainta, den conferencia di prensa di Gobierno, Minister di Infrastructura, Maneho di Medio Ambiente y Desaroyo Teritorial, cu hopi satisfaccion a elabora tocante e groundbreaking pa e construccion di Secrets Baby Beach Resort.

Esaki adelantando na e actividad cu lo a sigui e mesun Diahuebs aki pa 5 or di atardi, logicamente den presencia di e grupo Martinelli, promotor y desaroyador di e proyecto aki, den Distrito di San Nicolas.

E mandatario cu sigur tin diferencianan di opinion den comunidad tocante e proyecto aki, y pensamento tocante si Aruba mester di mas hotel of no, discusionnan riba e capacidad di carga di e pais y naturalmente riba nos medio ambiente.

E mandatario a subraya cu ora tin un maneho, e diferente opinionnan aki ta wordo considera, pero na final di dia ta trata di duna bek na un parti di nos pais, cu pa hopi aña a sufri di e impacto economico, pero cu anteriormente, hopi aña pasa, a nifica e boom economico di nos pais.

E minister a recorda cu e distrito di San Nicolas, durante ultimo 40 añanan desde cu LAGO a cera su portanan, Aruba den su totalidad a scoge pa bay den e direccion di industria di turismo y hospitalidad hotelero, cu ta di locual e pueblo aki ta biba di dje awe, y cu tambe ta sostenible pa loke ta trata un 90% di Aruba su economia, di forma directo y indirecto, empleonan cu ta wordo crea y entrada (GDP) di e pais.

E dignatario a expresa cu, sinembargo, no a mira e diversificacion economico aki, pariba di nos Isla.

Oduber a subraya cu e insistencia di e gobiernonan durante e ultimo 40 añanan aki tabata pa haci e reapertura di e refineria posible, locual a conduci cu na cierto momento tres refineria a opera na Aruba y, finalmente, tabata tin un cu tabata tin e intencion pa habri su portanan y gobierno ta sigui mira e oportunidadnan cu te ainda por existi pa un refineria na San Nicolas.

E mandatario a subraya cu, no obstante, tur gobierno di tur signature y tur partido politico, a trata, purba, pusha y bringa pa por logra un diversificacion di e economia pa San Nicolas.

Minister Otmar Oduber a subraya cu no ta un secreto cu tur gobierno a pone empeño y a haci intento y bao tur gobierno a papia di tin un posible operador di un hotel, varios biaha a mira cu posible prome piedranan lo a wordo poni, sinembargo Diahuebs el a haya e honor pa den nomber di Gabinete Wever-Croes pa anuncia, cu no solamente gobierno a logra un desaroyo nobo, un diversificacion pa pariba di nos isla, pero cu tin e groundbreaking cu ta e inicio di e proyecto aki, despues di un trayecto hopi largo, di casi 20 luna di combersacion, negociacion y preparacion, pasobra e no tabata algo facil.

E minister a señala cu, na prome lugar, no ta facil pa trece operadornan, inversionistanan den un area cu ningun hende ta kere den dje, y mester realiza cu esey ta loke a sosode durante e ultimo 40 añanan unda tabata tin poco interes pa desaroya un industria hotelero banda di un refineria, loke ta un di e motibonan pa cual tabata tin poco interes, y tambe cu poco hende ta interesa den inverti den un area poco desaroya y cu a keda atras manera e pueblo di San Nicola y vecindario.

Ariba potret por aprecia algun imagen di e ground breaking cu a tuma lugar den oranan di atardi na Seroe Colorado.

- Advertisement -

DUNA COMENTARIO

Please enter your comment!
Please enter your name here