Home Comercio Hilton ta bay elimina amenidadnan pa yuda salvaguardia nos medio ambiente

Hilton ta bay elimina amenidadnan pa yuda salvaguardia nos medio ambiente

24
0
SHARE
- Advertisement -

ORANJESTAD(AAN): Recientemente representantenan di comercio y turismo a firma un documento di sosten cu Minister di Medio Ambiente Otmar Oduber, pa mustra nan apoyo pa e ley di plastic, cu ta prohibi uso di cierto artefactonan di plastic incluyendo straw y copi di plastic.

Durante un conferencia di prensa, e stakeholders tambe a haya un oportunidad di expresa nan pensamentonan riba e ley aki.

Un di nan ta e General Manager di Hilton Aruba Resort & Casino, Vasco Baselli.

Baselli a bisa cu Hilton ta dedica na medio ambiente y presidente di e compania recientemente a lanza un campaña mundial pa tur e 5.900 hotelnan.

E meta ta pa reduci e impacto riba medio ambiente na mitad pa aña 2030, mientras cu e intencion ta pa redobla e dedicacion y contribucion social.

“Nos ta di Hilton Aruba ta un di e hotelnan piloto di test, pa evalua e posibilidad pa elimina e amenidadnan den baño, cu nos ta ofrece nos clientenan”.

“Nos a ricibi comentarionan  hopi positivo di nos huespednan”.

Esaki segun Baselli, kende a indica cu a cuminza awor y pa 2020 lo elimina tur e amenidadnan den baño manera e boternan di shampoo y rinse y reemplaza esakinan cu aparatonan cu ta saca shampoo y rinse.

“Esaki lo aporta na menos uso di cosnan di plastic, cu por causa problema pa nos medio ambiente”, segun e general manager.

- Advertisement -

DUNA COMENTARIO

Please enter your comment!
Please enter your name here