Home Policial Homber cu a caba di horta auto recientemente a bolbe bay horta...

Homber cu a caba di horta auto recientemente a bolbe bay horta un Pickup

379
0
SHARE
- Advertisement -

ORANJESTAD (AAN): Na un forma increible, un hoben cu tabata slenter Dialuna den oranan di atardi na Alto Vista, a dicidi na horta un Pickup.

No ta conoci con el a logra horta e vehiculo aki, pasobra mayoria di Pickup di e marca Mericano aki ta usa un sistema di transponder conecta cu e starter y e yabi di ignition como security.

Riba e potret aki por mira imagen capta via Security Camera, ora cu ainda den claridad di solo cu ta bahando, e persona a bay cu e Pickup.

Mucho leu e no a yega, pasobra famianan a raporta e caso mesora na Polis.

Un unidad di Polis cu tabata moviendo despues den Tanki Leendert a topa cu e vehiculo para den un hanchi, y e number ta cuadra.  Mesora nan a drenta den accion.

E ladron a resulta di ta un conocido di Husticia.  Pa colmo apenas algun dia pasa, el a wordo gara cu auto horta.  Figurabo cu ya caba Fiscal a lage bay.

El a sali y mesora bolbe bay horta otro auto.

Ban spera cu Ministerio Publico baha cu man mas fuerte riba e homber aki.

 

- Advertisement -

DUNA COMENTARIO

Please enter your comment!
Please enter your name here