Home Hudicial Homber sospecha di a malversa hende pa asilo declara liber

Homber sospecha di a malversa hende pa asilo declara liber

258
0
SHARE
- Advertisement -

Hues ta haya cu no tin prueba

ORANJESTAD (AAN): Manera DIARIO a publica, Diabierna mainta Hues a dicta sentencia den e caso penal cu Ministerio Publico a cuminsa contra e homber R. Gibbs E decision di Hues tabata un sla pa Ministerio Publico ya cu Hues ta haya cu ningun di e acusacionnan a keda proba y a declara R. Gibbs liber.

Durante tratamento di e caso algun siman pasa, Fiscal a bisa Hues cu e ta haya R. Gibbs culpable di malversacion y a exigi pa Hues prohibi R. Gibbs pa laga pasa como abogado y traha como consehero juridico. Tambe Fiscal a exigi 12 luna di prison di cual 4 luna ta condicional cu un tempo di prueba di 3 aña. Tambe Fiscal a exigi pa ehecuta e 12 luna di prison cu tabata condicional pasobra R. Gibbs a haci e delito aki den su tempo di prueba.

  SENTENCIA:

Diabierna mainta por a constata cu R. Gibbs ya no ta sera mas den KIA. El a presenta den sala di Corte hunto cu abogado pa scucha su sentencia. Hues a conclui cu no a keda proba e acusacionnan contra R. Gibbs y ta declare liber.

Hues den su evaluacion di e caso ta mustra cu for declaracion di e personanan cu a haci denuncia, no ta sali cla cu R. Gibbs tabata pinta su mes como abogado sino tabata bisa cu e ta un consehero huridico.

Pa loke ta e peticionnan cu R. Gibbs a traha pa asilo, no ta manera Fiscal ta pretende esta cu nan no ta motiva manera Dimas a bisa. Hues ta haya cu den e peticionnan tabatin informacion completo di e personanan y hasta cu nan a worde invita pa reunion. Hues a bisa cu riba e punto aki Fiscal no a reacciona.

Pa loke ta e cuestionamento di Fiscal cu R. Gibbs a bisa e personanan cu nan lo por traha normal pasobra el a entrega e peticion, Hues a mustra cu for di e personanan no por saca afor cu R. Gibbs a bisa nan cu nan por traha door cu a entrega perticion.

Hues a mustra cu contrario cu loke ta acusa, R. Gibbs a bisa nan cu nan no por traha.

DECLARA LIBER:

Hues su decision ta cu no a keda legalmente proba cu R. Gibbs ta culpable y ta declara R. Gibbs liber di tur acusacion. Hues a duna orden pa duna tur e cosnan cu a confisca di e persona back.

Hues tambe a rechaza e exigencia di Fiscal pa ehecuta e castigo condicional contra R. Gibbs Por a mira un expresion di alegria riba cara di R. Gibbs

Manera ta conoci, segun ley, Ministerio Publico por apela e sentencia. Tempo lo mustra si otro aña e caso aki ta bin dilanti den Corte Superior of no.

 

- Advertisement -

DUNA COMENTARIO

Please enter your comment!
Please enter your name here