Home Enseñanza Importante pa bin na Aruba cu un MAVO, HAVO y WVO bilingual:...

Importante pa bin na Aruba cu un MAVO, HAVO y WVO bilingual: Ingles y Hulandes

232
0
SHARE
- Advertisement -

Segun nota di Conseho di Departamento di Enseñanza:

ORANJESTAD (AAN) — Minister di Enseñanza, Ciencia, Tecnologia y Desaroyo Sostenible, a informa den conferencia di prensa Diaranzon, cu el a haya e rapport “Taalbeleid voor een nieuw Traject in het AVO” (Algemene voortgezet Onderwijs), kiermen, un rapport tocante e “maneho pa un trayecto nobo den e educacion secundario general”, cu ta un nota di conseho di Departamento di Enseñanza, y nan ta den deliberacion pa ehecuta e nota aki.

E nota di conseho ta enfoca riba e desaroyonan nobo cu tin y e innovacionnan cu gobierno ta impulsando den enseñanza, cu ta importante pa bin cu un MAVO, HAVO, VWO bilingual: Ingles y Hulandes.

“Nos tur sa cu aworaki Ingles ta birando mas y mas importante bao nos mucha y hobennan, y e ta un realidad cu nos no por sconde mas pe, y esaki ta un di e recomendacionnan”, Minister Lampe a duna di conoce.

E mandatario a reitera cu riba e recomendacion aki, ya el a cuminza den deliberacion y combersacion cu school de Schakel, pa ehecuta pa loke ta trata e area di Noord.

“Nos tur sa cu a keda pendiente e scol MAVO, HAVO, VWO na Noord, y e recomendacion di e nota aki ta hopi cla. Si nos kier cuminza cu un institucion asina aki, e mester ta bilingual. E mester ta un proyecto innovativo. E no por ta un ‘mas di mescos’. Na Hulanda, nan ta bayendo den e mesun direccion aki di ‘voortgezet onderwijs’, di Hulandes y Ingles”, e mandatario a subraya.

El a agrega cu den e encuentro di ministernan di enseñanza cu ta bay tuma lugar otro siman na Hulanda, na Den Haag, e como representante di Aruba, lo trece dilanti, un bez mas, di Minister di Enseñanza di Hulanda, cu ta importante pa enfrenta e realidad nobo aki, y cu Aruba tambe por haya examen final na Ingles. Esey lo facilita nos hobennan den futuro.

E deliberacionnan cu de Schakel, cu ta e scol scogi y cu ainda nan ta den palabracion y negociacion di intercambio di ideanan, cu nan como un proyecto exitoso, y innovativo, lo por ehecuta e MAVO, HAVO y VWO na Noord, den Hulandes-Ingles.

E proyecto innovativo aki, banda di e scol Montesori semi-subsidia cu a cuminza dia 1 di November aki, unda cu pa prome biaha a duna apoyo di parti di gobierno na e proyecto innovativo aki, cu ta e filosofia di Montesori.

Ademas, entrante aña escolar 2020-2021 lo habri e prome scol Montesori publico completamente subsidia pa gobierno.

“Pero ya nos a duna e prome paso caba for di 1 di November y nos ta den deliberacion pa por start den cierto momento un voortgezet onderwijs, segun e filosofia di Montesori aki na Aruba tambe”, Minister Lampe a subraya.

E dignatario a expresa cu gobierno kier diversifica e opcionnan escolar unda mayornan kier manda nan yiunan.

 

- Advertisement -

DUNA COMENTARIO

Please enter your comment!
Please enter your name here