Home Salud ImSan ta bay cuminza opera pashentnan cu problema di retina

ImSan ta bay cuminza opera pashentnan cu problema di retina

53
0
SHARE
- Advertisement -

Awor pashentnan no mester bay afo

ORANJESTAD (AAN):  Director di ImSan, Docter Joel Rajnherc a duna di conoce un noticia tremendo pa Aruba.

El a bisa cu na Januari ta bay haci algo masha innovativo aki na e isla. Ta bay cuminza trata pashentnan cu problemanan di operacion di retina.  “Esey nunca nos a haci na Aruba ainda. Nos tin e aparatonan cla caba riba sala di operacion cla pa haci e tecnicanan ey”.

Na Aruba no tabata tin enfermeranan pa asisti e docter y a base di esey a busca un asistente di e mesun docter cu tabata tin na ImSan. E ta bin for di Colombia y ta bay traha tres siman na ImSan pa asina duna les na e nursenan na Aruba pa asina  tin tres nurse cu sa exactamente con pa yuda e doctor durante e operacion.

Dr. Rajnherc a indica cu e ta spera cu entrante Februari, por haci mayoria di e operacionnan cu mester a manda afo y cu awo por wordo opera aki na Aruba.

 

- Advertisement -

DUNA COMENTARIO

Please enter your comment!
Please enter your name here