Home Parlamento “Interes personal di un parlamentario a vence interes general”

“Interes personal di un parlamentario a vence interes general”

164
0
SHARE
- Advertisement -

Rocco Tjon encuanto Daphne Lejuez su decision

ORANJESTAD (AAN): “Nos no ta reconoce nos mes den e ponencianan di Daphne Lejuez”, ta loke lider di fraccion di MEP, Rocco Tjon a declara durante un conferencia di prensa Diaranzon atardi.

El a bisa esey despues cu algun ora prome, Daphne Lejuez a anuncia su retiro for di MEP, pero awor ta bira un Parlamentario Independiente.

Segun Tjon, e ta hasta lamenta cierto declaracion cu Lejuez a duna.  Aki Tjon a conclui cu interes personal a vence interes general y bienestar di Aruba.

Aki Tjon a refuta cu nan como Parlamentario ta wordo presiona of silencia pa bay den cierto direccion.  Y djis debi cu tin democracia den partido, nan ta respeta su decision pero no ta acepta cierto declaracion.

El a bisa cu pa colmo apenas dos siman pasa a hiba combersacion cu Lejuez ora cu el a publica tur punto di preocupacion di ley di Serlimar riba Facebook.  Un combersacion positivo, unda cu no tabatin ningun indicacion di Daphne Lejuez cu e ta sinti su mes bon mas den MEP.  Al contrario, el a hasta informa Tjon cu e lo bay laga sa kico ta e ultimo 3 punto di preocupacion di ley di Serlimar.  Pasobra ta 4 punto so el a publica.

Tjon no ta convenci cu esaki ta e motibo real cu Daphne a dicidi na distancia di MEP.  El a splica si, kico den su concepto ta e motibo real.

Siman pasa Diabierna, den Parlamento durante reunion di Comision Central, decision tuma contra e Parlamentario di AVP cu ta sospechoso pa estafa di documento, etc.  Esaki tabata e momento cu Lejuez a bisa cu e ta diferencia di opinion di MEP.  El a trece dilanti cu e si ta haye bon, cu e Parlamentario sospechoso aki por bay representa AUA den exterior.  E ta sostene Benny Sevinger y e ta distancia su mes y a retira su mes di e medio di comunicacion pa contact otro.  El a sali di e chat group di MEP.

Como lider, Tjon a hinke bek den Chat Group, pero Daphne a sali bek.

“Esey ta su decision premedita.”  Motibo ta cu e ta sostene Benny Sevinger, cu ta un parlamentario sospechoso.  E ta lamenta cu awor Daphne Lejuez ta bisa cu e ta para pa un politica nobo y transparente, pero Diamars ainda ora coleganan cu a puntre ki decision e ta bay tuma, el a contesta nan cu e mester di tempo pa tuma decision pa informa nan.

Anto Diaranzon ta via prensa, MEP a bin haya sa di su decision di retiro. Esaki no por ta algo di politica di profesional.

A haya sa di su decision via prensa, e ora lider di MEP a haya sa via un carta ricibi atardi.  Pero mainta trempan caba Daphne a duna entrevista na prensa, unda e ta splica su motibonan.  E no tabata honesto ni transparente cu MEP.

“Awe interes personal di un parlamentario a vence interes general y stabilidad di un pais,” Tjon a bisa.  El a hasta mustra cu tin informe cu Daphne lo bay afilia su mes na otro partido.

- Advertisement -

DUNA COMENTARIO

Please enter your comment!
Please enter your name here