Islanan ABC awor tambe ta vigilando malesa nobo di coral

    163
    0
    SHARE
    - Advertisement -

    ORANJESTAD (AAN): Pa algun hende ta conoci, cu desde aña 2014 caba a cuminza detecta un malesa nobo di coral, cu ta extende via di e rif nan den Caribe.

    E malesa aki ta  mihor conoci como: “Stony Coral Tissue Loss Disease”, y ta usa e abreviacion SCTLD, “Enfermedad di perdida di coral di piedra”.  Cientificonan ta yame “Skittle-D”.

    E malesa aki ta parce di ta extende lihe y ta sumamente mortal pa e coral nan cu ta keda somete na dje. Na augustus  MPA/Connect a organiza un encuentro caminda expert nan a reuni pa discuti tur loke nan a siña di e manera cu Florida a maneha  e enfermedat  aki.

    Tambe a elabora riba e miho practica nan pa identifica y trata coral nan infecta pa futuro. E resultado nan a keda resumi den DCNA su carta di “Stony Coral Tissue Loss Disease Management” pa Caribe Hulandes.

    Durante di e encuentro anual ku a tuma luga siman pasa di “Gulf and Caribbean Fisheries Institute (GCFI)” na Republica Dominicana (Santo Domingo), director di Dutch Caribbean Nature Alliance, Tadzio Bervoets, a presenta esfuerso nan haci pa desaroya capacidad a traves di Caribe.

    Un malesa nobo bao di coral a ser identifica pa prome bes den 2014 na altura di costa di Florida. For di e momento ey  el a extende rond den Caribe incluyendo Mexico, Jamaica, St. Maarten, St. Eustatius, Republica Dominicana y U.S. Virgin Islands (AGGRA, 2019).

    Te cu awe e enfermedad STCLD a ser identifica solamente cerca coral nan di piedra y ta causa perdida di material considerable cerca e coral afecta. E enfermedad aki ta extende rapidamente y por tin efektonan devastador pa e rif den caso cu no trate inmediatamente.

    Dr. Andy Bruckner, coordinador di investigacion na Florida Keys “National Marine Sanctuary” a declara cu “Stony Coral Tissue Loss Disease ta afecta  algun di e coral nan di crecemento menos rapido alavez coral nan mas bieu y formado di rif, incluyendo e icono coral celebral, coral di strea y coral di pilar.”

       Sintoma:

    Na momento cu un coral contrae SCTLD e ta cuminsa cu cicatriz visibel cual nan ta extende rondo di e rand di e coral afecta. Aki e material di e coral por los parcialmente of completamente, lagando e structura di e coral manera un skelet sunu, tipicamente tapa cu alga dentro di un siman (Florida DEP, 2018).

    E malesa aki a keda documenta den mas cu 20 diferente sorto di coral, incluyendo cinco sorto riba di e lista di especie abou di menaza di “extinction” “Endangered Species Act” (Florida DEP, 2019).  Den prome instante e ta parce di ta afecta e sorto di coral altamente vulnerabel prome. E enfermedad ta extende rapidamente cu un mortalidad di especie infecta cu ta varia entre 1 siman pa 2 luna di tempo (AGGRA, 2019).

    Tipicamente, un luna despues cu e enfermedad keda raporta den e sorto di coral altamente  vulnerabel, e ta cuminsa infecta e sorto di coral cu ta menos vulnerabel. Bou di e especie nan aki, colonia nan mas chikito a ser identifica di a muri den curso di luna y colonia nan mas grandi ta anfitrion di e malesa pa años sin sufri mortalidad completo.

       Transmision:

    Awor tin e impresion cu e malesa SCTLD ta ser transmiti pa medio di contact directo y  circulacion di awa (Reef Resilience, 2019). Pa minimalisa su crecemento, professional nan  awor ta recomenda precaucion extremo pa sambuyadonan den area di coral infecta.

    Alavez  ta urgi sambuyadonan pa desinfecta nan equipo completamente entre diferente area di buseo pa asina evita sigui plama e enfermedad (Florida DEP, 2019).   Tambe, ta curasha pa inmediatamente meld na outoridad competente den caso di sospecho di infeccion di coral pa accion inmediato por tuma luga (Florida DEP 2019).

    Na Augustus, un grupo di 22 experto di 17 pais a reuni na Key West (Florida), pa intercambia conocemento y discuti  con miho maneha erupcion di SCTLD, y alavez siña con pa adecuadamente identifica e malesa y maneha coral nan infecta di forma eficaz.

    Florida a conoce resultado nan positivo tratando coral infecta cu un variedad di regimen antibiotico, sinembargo, esaki ainda ta den fase di test y e cuadro regulatorio encuanto uzo di tratamento nan similar ta varia di pais pa pais.

    Durante di e encuentro di 2019 “Gulf and Caribbean Fisheries Institute” (GCFI) siman pasa, director di DCNA Tadzio Bervoets a presenta varios esfuerso haci  den region pa crea capacidad pa medio di MPA Connect/ GCFI network, dunando gerente nan di recurso maritimo e metodo nan necesario pa actua contra di e enfermedad.

    Bervoets tambe a presenta e asina yamá “the Stony Coral Tissue Loss Disease Management Letter” pa  Caribe Hulandes. Esaki ta provee gerente nan di recurso maritimo den Caribe Hulandes e informacion necesario pa prepara pa vigila y actua riba e malesa.

       Protegiendo futuro:

    Cu condicion nan ambiental mas severo, aumentando asina e stress ariba e coral nan, e especienan aki lo continua di ta mas sensibel pa contrae enfermedad den futuro.  E enfermedad SCTLD ta particularmente preocupante ya cu esaki ta parce di ta di un duracion largo, di embergadura amplio, altamente contagioso pa un gran mayoria di especie ku crecemento menos rapido y responsabel pa construccion di rif.

    Ademas di esaki e enfermedad a demonstra mortalidad di un colonia completo una bes cu e coral ta infecta (Martinelli, 2019).

    Aumento di consenshi publico y practica nan di buseo apropia lo ta crucial pa maneha e enfermedad aki. Investigado nan ta continua test metodo nan di intervencion pa minimalisa cifra di mortalidad y preveni aumento di infeccion.

    Mientras cu no tin suficiente conocemento  di e enfermedad aki, ta crucial pa sambuyadonan y investigadonan sigui e progreso cu  cautela. Si bo ta kere di a mira un coral infecta, por fabor meld e fecha, ubicacion di GPS  y si ta posibel saca un potret pa bo autoridad di Marine  Park.

    - Advertisement -

    DUNA COMENTARIO

    Please enter your comment!
    Please enter your name here