Home General Kico a pasa cu investigacion siguridad di e brug di Paris na...

Kico a pasa cu investigacion siguridad di e brug di Paris na Balashi?

211
0
SHARE
- Advertisement -

Resumen

Tabata un Diabierna anochi cu Aruba tabata den angustia grandi. E brug estilo Paris cu a construi na un sitio historico di Aruba, tabata escenario di un accidente pisa.

Dos auto a pasa dor di e vangrail cu no por a duna nan sosten y milagrosamente no tabata tin resultado fatal den e accidente cu a causa conmocion grandi.

Na e momento DIARIO a splica pakico ta importante pa Aruba wordo informa con y kico mester haci pa loke ta trata uzo di e brug, cu for di momento cu el a wordo inventa te awe ta contene cantidad di misterio pa Aruba.

Te awe DIARIO no a mira e informacion cu mester a duna pueblo di Aruba cu mester haci uzo di e brug cu tin gran parecido di brugnan cu por topa na Francia.

Un turista cu yega Aruba y por ehempel kier bay bishita e minanan di oro, sigur lo tin poco problema pa identifica e paisahe cu e brug, cu segun biaheronan di hopi experencia mester a wordo construi na Paris.

A resulta algun siman pasa cu ademas di un problema di identidad Arubano, e brug tin un problema cu siguridad.

No ta normal cu dos auto a pasa door di vangrail pasobra e chauffeurnan ta mantene un velocidad halto. Tur hende ta conoci cu e hecho cu ora crea un high way, mas ainda ora e parce Paris, e posibilidad pa bay pusta ta wordo crea.

Ta hustamente pa e motibo aki ta construi vangrail cu den e caso di e accidente pisa, a los laga bay. E vehiculonan a cay for di haltura di e brug.

Den e caso aki no a lamenta morto. E accidente, sinembargo, sigur tabata un advertencia pa Aruba cu a hinca hopi placa den e brug cu e pais mester sigui paga.

DIARIO a keda sorprendi cu no a tende mas di e brug.  E motibo cu e vangrail no a haci su trabou, a keda un misterio mes grandi cu e forma cu a controla placa di pueblo den e proyecto aki.

Arubianonan ta subi y baha e brug cu vangrail cu mester evita caida den un abismo.

Ayera DIARIO a bay realisa un bishita na e brug, cu a wordo inaugura cu “Happy Birthday” paranda pero ta keda graba den nos mente como e brug, cu un vangrail cu no ta sirbi ora hende pusta.

Pueblo di Aruba tin derecho riba un contesta pa e pregunta tocante siguridad di e brug y su vangrail. Si autoridad ainda no tin e contesta, con por ta posibel cu nan a habri e brug y ta permiti hende haci uzo di e brug, sin duna garantia riba calidad di e vangrail.

Nos ta keda pendiente.

- Advertisement -

DUNA COMENTARIO

Please enter your comment!
Please enter your name here