Home General Maneho nobo a pone cu tin menos candela na dump

Maneho nobo a pone cu tin menos candela na dump

19
0
SHARE
- Advertisement -

Henley Davelaar:

ORANJESTAD (AAN): Compara cu antes tin menos candela na Dump di Parkietenbos.

Esaki segun e director di Serlimar Henley Davelaar, den un entrevista cu DIARIO.

“Antes practicamente tabata tin candela y huma riba dump y esey bo no ta haya mas”.

“E manera cu nos a implementa un maneho nobo na Parkietenbos, a pone cu desde Juli ta apenas siman pasa nos a haya un candela atrobe”.

“Ya eynan bo ta mira un mehoracion hopi grandi”.

Esaki segun Davelaar, kende a sigui bisa cu den temporada di horcan practicamente henter temporada e biento ta desfavorable.

Pesey ta evita di kima e asina yama ‘green waste’, cu ta entre otro e matanan corta.

“Ora bo kima esaki ora cu biento ta desfavorable, e huma ta bay directamente riba e bario”.

“Esey a nifica cu e cel cu nos tin pa green waste a yena”.

“Normalmente e ta kima y ta bira as y nos ta deposite na un caminda adecua y consecuentemente nos mester a bay na e parti nobo cu tabata un di e partinan indica pa TNO  y nos a pone e green waste eynan”.

Esaki segun e director di Serlimar, kende a sigui bisa cu e factor di calor, e as cu a acumula eybao y e oxigeno ta factornan cu por pone cu tin candela.

“Esey a pasa tambe pero nos a contene esaki mas lihe posibel, nos a dere cu e mesun proceso cu nos a uza na Sero Tijsji  y nos a tape cu calichi sefta y santo di eynan mes pa nos contene”.

“Bo por haya candela chikito aki aya, pero e operacion eynan a wordo ahusta di tal manera, cu nos tin esaki controla”, segun Davelaar.

 

- Advertisement -

DUNA COMENTARIO

Please enter your comment!
Please enter your name here