Home Policial Mas di 21 kilo di droga confisca na Falcon

Mas di 21 kilo di droga confisca na Falcon

276
0
SHARE
- Advertisement -

Autoridad ta skerpi na Venezuela

ORANJESTAD (AAN): Autoridad Venezolano na estado Falcon a sa di dal narcotraficantenan un golpi duro.  Den menos di 24 ora nan a sa di confisca 18 bulto conteniendo droga.

E prome lote di droga cu nan a confisca a socede den un area rural di e poblacion di El Hato, municipio Falcon.  Aki a haya 12 bulto di droga parecido na cocaina, y e peso di esaki ta 14,30 kilo.

Despues di esey, den e sector San Nicolas na e poblacion ey, nan a haya un homber di 24 aña di edad kende tabatin den su poder 3 bulto di droga parecido na cocaina, cu tabatin peso di 3,57 kilo.

Siguiendo cu e trabao di investigacion, Diaranzon mainta nan a haya un homber di 22 aña riba un tereno abandona den Calle Santana di poblacion di Adicora.  E persona aki tabatin 3 bulto di droga parecido na cocaina, y e biaha aki cu peso di 3,60 kilo.

Tur e tres personanan aki a wordo pasa pa Ministerio Publico, y e droga a wordo confisca.  Esaki ta indicacion cu tin hopi movimento e dianan aki di droga den area di Falcon.

- Advertisement -

DUNA COMENTARIO

Please enter your comment!
Please enter your name here