Home Carnaval Mayoria actividad di Carnaval otro aña lo ta den Carnival Village

Mayoria actividad di Carnaval otro aña lo ta den Carnival Village

90
0
SHARE
- Advertisement -

Dialuna anochi a tuma lugar den Tinashi yen, Stichting Maneho di Aruba su Carnaval (SMAC) a lansa e schedule pa loke ta Carnaval 66.

Tabata presente carnavalistanan, reinanan, prins y pancho, representante di Grupo Uni, representante di musica, mandatarionan, miembro nan di board di SMAC, sponsor y stakeholders nan. Por a tuma nota, cu e cambio di mas grandi ta cu practicamente tur evento lo wordo organisa na Carnival Village. Den combersacion cu Jason Brown, e presidente actual, el a bisa cu nos tin un Carnival Village y nos mester hasi uso di dje. Lo arma un escenario y esaki lo keda den Carnival Village pa henter e temporada di Carnaval.

Repasando e schedule, por a tuma nota cu ta bin bek cu eleccion di Reina di Scol, tambe tin Reina di Paradera, cual ta mustra den direccion cu e celebracion ta jegando bek den distritonan di Aruba. Algun evento nobo, ta un Carnival Costume Show, cu lo tuma lugar den November, a split e final di Caiso & Soca Monarch den dos anochi. Por a compronde cu tin un sorpresa grandi pa e diasabra, di parti Stichting Musica.

Dia 8 februari 2020, lo tin un concierto cu ta hiba nomber di Unity Flag Fest, cual tambe ta algo nobo riba e schedule pa loke ta Carnaval 66.

Un aspecto cu e board nobo di SMAC a tene na cuenta cune, ta cu durante e ultimo aña nan aki, hopi tabata e comentarionan negativo cu ta caba e Carnaval diadomingo pa asina duna espacio pa bula bai Corsow. No ta tur carnavalista tabata contento cu esaki, pues a opta pa bin bek cu e old mask parade cual lo tuma lugar diamars y tambe SMAC a oficialisa e evento cu semper ta trese masha hopi ambiente mes, cual ta e burn out Monday cu ta tuma lugar na Baby Beach. Den e dianan cu ta sigui lo tin mas informacion di SMAC.

 

- Advertisement -

DUNA COMENTARIO

Please enter your comment!
Please enter your name here