Home Gobierno Minister Otmar Oduber ta felicita coleganan Minister pa a logra presupuesto balanza

Minister Otmar Oduber ta felicita coleganan Minister pa a logra presupuesto balanza

36
0
SHARE
- Advertisement -

ORANJESTAD (AAN) – Den conferencia di prensa di gobierno, Minister Otmar Oduber, titular di Infrastructura, Maneho di Medio Ambiente y Desaroyo Teritorial, a hiba palabra y a cuminza pa felicita Minister Presidente, Minister di Economia y Finanzas y tur demas coleganan di Gabinete Wever-Croes, pa a logra un presupuesto balansa pa 2020 y cu surplus, sin tuma ni un medida extra, cu segun e opositornan tabata e sugar tax.

E no tabata facil, pero cada minister a para fuerte pa logra e meta nan dilanti. E mandatario a bisa cu esaki ta pone corda ora Gabinete Wever-Croes a asumi responsabilidad y manera tin biaha ta wordo bisa “no ta permiti pa lubida”, den un luna di tempo na 2017, nan a bay Parlamento pa haci un presupuesto supletorio, cu mester a busca un debe adicional di 130 miyon florin cu gobierno a hereda.

E presupuesto cu mester a trata na December 2017 tabata uno falso, cu tabata tin e deficit adicional di 130 miyon florin, y na e momento ey pensando riba 2018 a papia di un deficit di algo mas cu 300 miyon florin, cu despues a wordo reduci.

E mandatario a señala cu na cierto momento mester para keto y realiza e discusionnan cu tin cu Hulanda y cu Reino, pa e cumplimento tambe di e normanan cu Aruba mes a para pa nan, cu no ta facil pa un gobierno bin y den un periodo di dos aña, cu dos presupuesto cu un deficit di e grandura ey, awe papia di un presupuesto balansa cu practicamente ta wordo logra pa 2019 y 2020 cu un surplus di 29 miyon florin.

Den e marco aki, di presupuesto balansa, e mandatario a cuestiona e partido di oposicion AVP, pa informacionnan cu a sali den comunidad, loke e ta lamenta profundamente cu a recuri na crea disturbio den pueblo y cu pa hopi tempo a papia di un sugar tax cu no ta den e presupuesto, ni tabata tin necesidad pe.

Esaki pa motibo di un pensamento cu tabata biba pa por logra cera e buraco den e presupuesto y cumpli cu e normanan di Laf, pero cu gobierno por a evita ya cu no tabata necesario tampoco.

Minister Oduber a subraya cu gobierno a mira e empeño di un oposicion cu a purba di fuel e sindicatonan comosifuera cu nan no ta al tanto di e situacion financiero di Aruba, y ta kere cu e cifranan cu Minister Ruiz-Maduro a presenta prome, gobierno ta duna atencion na e sindicatonan y pesey nan ta sinta na mesa y lo sigui pa por yega na acuerdonan cu e sindicatonan pero e 130 miyon di deficit na 2017 y mas di 300 miyon na 2018, no tabata unicamente pa ambtenaarnan pero pa comunidad di Aruba en general, pa cual na cierto momento mester a tuma e pasonan necesario a awe por papia di un presupuesto balansa y un surplus pa e aña cu ta bin.

 

- Advertisement -

DUNA COMENTARIO

Please enter your comment!
Please enter your name here