Home Gobierno Ministro Oduber satisfecho cu e cambio cu bo por sinti na San...

Ministro Oduber satisfecho cu e cambio cu bo por sinti na San Nicolas

164
0
SHARE
- Advertisement -

ORANJESTAD (AAN): Minister Otmar Oduber a haci un bishita na San Nicolas unda nan ta renobando un edificio monumental pa asina DNM por usa esaki.

E ta contento cu e trabaonan tumando lugar, y Ministro a splica cu semper e ta uno cu a keda pusha pa e lugar ey wordo drecha.  E ta un di e monumentonan hopi iconico pa San Nicolas.

Fuera di esey, por mira cu tin mas movimento awor den San Nicolas.  Mas y mas interes tin den San Nicolas di hendenan cu ta dispuesto pa inverti den e banda pariba di e isla.  Otro siman mes lo tin groundbreaking di e hotel Secrets of Baby Beach, cu lo bira un catalizador pa un posibilidad nobo di desaroyo na San Nicolas.

“Importante pa nos tambe ta pa sigui pusha Departamentonan di Gobierno tambe pa bay pariba,” Ministro a indica den un entrevista.  Pesey a pone pa Departamento di Naturaleza y Medio Ambiente (DNM) cu lo bay ubica na San Nicolas.

Nan lo bay ta den e edificio cu Monumentenfonds ta drechando.

Ora bo mira e cambionan grandi caba cu ta wordo haci na e edificio, e cara nobo ta dunando e confianza pa mas inversion sigui tuma lugar pa e area.  “E ta e impulsador pa loke nos kier pariba di nos isla,” Ministro Oduber a bisa.

San Nicolas Business Association a indica na Ministro, cu tin ya como 7 compania cu den siguiente lunanan ta bay cuminza cu inversion den San Nicolas.  Y esaki ta e momento di cuminza!

- Advertisement -

DUNA COMENTARIO

Please enter your comment!
Please enter your name here